Kohelethu 9:3 - KITABU KITAKATIFU

³ Likuva yili li veye ubudamano mu gosi aga kolangwa isi weliuva, kindu kilala ki nyola vosi kuleng'ana: yee, kandi, mwoyo gwavana vavandu gwizula ubudamano, na ubulalu bu veye mu mwoyo gwavo inyinga va veye nelivamwoyo, na inyima wa yaga va tsia ku avakudzu.

Kohelethu 9:3 ပူးပေါင်းရင်းမြစ်များ

Litanga 6:5

Kandi Yahova ya lola ubudamano bwa avandu bwa li bunene ku lirova, kandi lisaavira lyosi na tsinganagani tsyomwoyo gwavo tsya li ubudamano bwere kazozo.

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Ayubu 15:16

Nasindi mulala wokuvihiriridza nomudamano, Mundu u nwedzanga budamano kuli a nwedzanga madzi

Ayubu 21:26

Yava va gonanga hasi mu lugukyi halala, Na tsing'ende tsi va kunika.

Ayubu 9:22

Yaga gosi ga veye kindu kilala; kigira yaga mbola, Uyu a dividzanga yavo avadukiru navadamano.

Zaburi 51:5

Henza, ndivulwa mu liva lyobwoni; Kandi mama wange ya mbereka mu bwoni.

Zaburi 64:7

Navutswa Nyasaye a la va lasa; Nonoho va la tumitwa nombano.

Tsing'ano 14:32

Mudamano u minirangwa hasi mu likola ubudamano bwibwe; Navutswa mulungi a veye nelisuu viridzwa mu likudza lilye.

Kohelethu 1:17

Nda vika mwoyo gwange ku limanya ubugeeri, nokumanya ubulalu nobusiru kuli vi veye: na nda lola miyinzi yigyo gyi veye kudidikanira imbuudza.

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

Kohelethu 2:14

Tsimoni tsya uyu wobugeeri tsi veye mmutwe gwigwe, nomusiru a tsitsanga mu kisundi: halala na yaga nda lola inkuva indala i gwiranga vosi halala.

Kohelethu 7:2

Nobulahi kutsia ku inyumba ya va syomanga mu, kuvita kutsia ku ya va litsanga mu lisavo: kigira ni kyekiheri kyavandu vosi, uyu u veye mwoyo a la ganagana mmwoyo gwigwe.

Kohelethu 7:25

Nda vodonkana, nomwoyo gwange gwa vikwa ku limanya nokuvangula, nokwenya ubugeeri na kivune kyevindu, nokumanya ubudamano ni bwobusiru, nobusiru nibwo ubulalu.

Kohelethu 8:11

Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Kohelethu 9:2

Vindu vyosi vi duka ku vosi kuleng'ana: kindu kilala ki dukanga ku wobulungi noku mudamano; ku mulahi noku musiyeku noku uyu u ta li musiyeku; ku uyu u haananga kihaanwa noku uyu u ta haana kihaanwa; kuli mulahi a veye kandi wobwoni a veye ndiyo; uyu u suhanga a leng'ana kuli uyu u tidzanga lisuha.

Kohelethu 9:4

Kigira ku uyu u hambanywa na va veye mwoyo vosi ha veye nelisuuvira kigira imbwa i veye mwoyo ni indahi kuvita king'ang'a kya kudza.

Jeremia 16:12

Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Luka 15:17

Lwa ya duka kwimanya, ya vola, Avatumiki va dada wange ivanga va veye nobukima bwokwiguta kandi bu tigala na inze inzala i nziitira hano

Luka 6:11

Navutswa vizula ubutima; ni va volerana avene aga va nyala kukola ku Yesu.

Vikolwa 12:23

Kandi nonoho ingelosi wo Mwami ya mu duya, kigira si ya ha Nyasaye ubukumi: tsing'ende tsya mu lia na a kudza.

Vikolwa 26:11

Nda va ha amageli tsinyinga tsinyingi mu masomero gosi, ni ngeridza kuvakola va nyege; kandi ndizula ubutima ligali, nda va dambidza kali kuduka mu madala ga vandi.

Vikolwa 26:24

Lwa ya li ni ikinga ndiyo, Festo ya vola nomwoyo munene, Paulo, u laluki, lisoma lilyo linyingi li ku lalukidza.

Tito 3:3

Kigira kwinye kandi ku matsyambiri kwa li bugira limanya, kwa vula kuhulira, kwa gadwa, kwa tumekira likayirwa lidamano nelyeyanzidza lidamano tsing'ano netsing'ano, kwa menya mu imbodoka nomu likendeka, avavihiriridzi, avavihiriranwi avene navene.

2 Petro 2:16

navutswa ya gaywa ku lihyolo lilye: isukiri i ta veye nomwoyo ya vola amakuva gomundu nokwigalira ubulalu bwomuprofeti uyo.