Kohelethu 9:11 - KITABU KITAKATIFU

¹¹ Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Kohelethu 9:11 ပူးပေါင်းရင်းမြစ်များ

2 Samweli 17:14

Na Abisalom navandu vosi va Israeli va vola, Livola yili li twula ku Hushai Muariki li veye lilahi kuvita livola lya Ahithofeli. Kigira Yahova u saaviye kugirunkannya livola lilahi lya Ahithofeli, Yahova a duke kuleta ubudamano ku Abisalom.

2 Samweli 17:23

Na Ahithofeli lwa ya lola livola lilye li vuli kulondwa, ya boha isukiri yeye, na a singira, na a tsia mu inyumba yeye, mu lidala lilye, na ya lomba makuva genyumba yeye, ni yesunga; na a kudza, na ya tebwa mu kilindwa kya dada wewe.

2 Kyetsinyinga 20:15

na a va volera, Mu hulire, mwinye Vayuda vosi, na ava menya Yerusalemi, na ive mwami Jehoshafatu: Yahova a mu volera yaga, Mu ta tia mba, kandi mu ta kudza mwoyo kigira kiduma kinene yiki; kigira ubulwani si bu veye bwenyu, navutswa bu veye bwa Nyasaye.

Ayubu 34:29

Lwa a leta mirembe, ni bwaha a nyala kulola kuye ubudamano? Na lwa a visanga mmoni mwimwe ni bwaha u nyala kumulola? Na a va na ga lomberwa ihiri, kinga umundu, ga leng'ana:

Zaburi 76:5

Avetsingulu mmwoyo va lanywa, Va goni tsindolo tsyavo; Na kali mulala ku avetsingulu si a nyola makono gege.

Tsing'ano 1:5

Mundu wobugeeri a hulire, nokumeda limanya; Na mundu welimanya a duke kumanyeridza makuva madukanu:

Kohelethu 2:12

Ndegirunkannya nduke kuhenza ubugeeri, nobulalu, nobusiru: kigira mundu u li londa mwami a nyala kukola kindu ki? Ala kola ki mali kukolwa kutwula kale.

Kohelethu 3:14

Inze manya, vindu sa kilala kya Nyasaye a kolanga, ki la va kyemihiga nemihiga: kukimeda si ga nyalika, kinga kukigehidza; Nyasaye a gi koli, avandu va tie imbiri wewe.

Kohelethu 3:17

Nda vola mu i mwoyo gwange, Nyasaye a la kalagira avalungi navadamano halala; kigira i veye ho inyinga ku likola sa lilala noku muyinzi sa mulala.

Kohelethu 4:1

Hene yaho ndirana nokulola vyosi vyekirage vi kolangwa isi weliuva: na, henza, amaliga ga yavo ava dambidzangwa, na si va veye nomundu kuvaleminya mwoyo; noku luvega lwa yavo ava va dambidzanga tsingulu tsya li ho; navutswa si va li nomundu kuvaleminya mwoyo.

Kohelethu 4:4

Kandi nda lola mu makuva gelididikana lyosi nomu miyinzi gyosi gyobusidza, mundu a kendekerangwa na vakye veye kigira yaga. Yaga kandi ga veye ga vutswa, nokudidikana ku imbuudza.

Kohelethu 7:13

Mu ganagana ligali mi yinzi gya Nyasaye: kigira ni bwaha u nyala kulungikidza kindu kya ya lomba bukyamu?

Kohelethu 9:2

Vindu vyosi vi duka ku vosi kuleng'ana: kindu kilala ki dukanga ku wobulungi noku mudamano; ku mulahi noku musiyeku noku uyu u ta li musiyeku; ku uyu u haananga kihaanwa noku uyu u ta haana kihaanwa; kuli mulahi a veye kandi wobwoni a veye ndiyo; uyu u suhanga a leng'ana kuli uyu u tidzanga lisuha.

Kohelethu 9:3

Likuva yili li veye ubudamano mu gosi aga kolangwa isi weliuva, kindu kilala ki nyola vosi kuleng'ana: yee, kandi, mwoyo gwavana vavandu gwizula ubudamano, na ubulalu bu veye mu mwoyo gwavo inyinga va veye nelivamwoyo, na inyima wa yaga va tsia ku avakudzu.

Jeremia 46:6

Avetsimbiru va vule kunya gula, kinga muliviriri a hone; ku luvega lwa kasikasini himbi nomugera gwa Farati vikigitaye nokugwa.

Jeremia 48:14

Mwinye mu vola ndi, kwinye ku veye avaluviriri, ku veye avobunyali ku bulwani?

Jeremia 9:23

Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

Malaki 3:18

Inyinga yeyo mu la galuka na mu lavukanya hagati ha valungi na vadamano, hagati ha uyu u tumekira Nyasaye na uyu u vula ku mu tumekira.

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Kwidzulitsa 8:17

gase u la vola mmwoyo gugwo, Ubunyali bwange, netsingulu tsyomukono Kwange tsi nyoleye ubutugi yibu.

Kwidzulitsa 8:18

Navutswa widzulitse Yahova Nyasaye wowo, kigira niye u ku hedzanga ubunyali bwokunyola ubutugi; a duke kudinyeridza lilagana lilye lya yesuhira avaguga vovo, kuli ga veye lero.

1 Samweli 17:50

Na ndiyo Daudi ya guuta Mufilisiti nolukova neligina na ya duya Mufilisiti na a mwiita; navutswa Daudi si ya li nekivavi mmukono gwigwe.

1 Samweli 6:9

Na henza; ni li va ni li londa ku inzira yo lwako lwalyo lyene kuduka Beth-shemeshi, hene yaho a ku koleye ubudamano bunene yibu: navutswa ni li va ni li vula kulonda inzira yeyo, hene yaho ku la manya si gu veye mukono gwigwe gwa kukuya; navutswa ki veye kyegendera kya ku gwira.