Kohelethu 9:10 - KITABU KITAKATIFU

¹⁰ Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Kohelethu 9:10 ပူးပေါင်းရင်းမြစ်များ

Litanga 37:35

Na avayai veve vosi navakana veve vosi va singira kumuleminya mwoyo; navutswa ya sula kuleminywa; na a vola, Kigira nda sulunguta mu kilindwa ku mwana wange mu lisyoma. Na dada wewe ya mu lirira.

1 Kyetsinyinga 22:19

Kuna ngwa kalunu, mu vike myoyo gyenyu na roho gyenyu kwenya Yahova Nyasaye wenyu; kunangwa, singire mwombake hango hatakatifu ha Yahova Nyasaye wenyu, kuduka ku leta lisanduku lya Yahova, neviju vitakatifu vya Nyasaye, nokuvivika mu inyumba yombakirwa lieta lya Yahova.

1 Kyetsinyinga 28:20

Na Daudi ya volera Solomoni mwana wewe, U ve mugulu nokwele minya, nokugakola; u ta tia mba kinga kukudza mwoyo; kigira Yahova Nyasaye, uyu Nyasaye wange, a veye halala nive, si a la geha ku ive mba, kandi si a la ku leka mba, kuduka miyinzi yigyi gyosi gyobu tumiki bwenyumba ya Yahova gyi tweki.

Nehemia 2:12

Na nda vuka mbudiku, inze navandu vakekeke halala ninze; na si nda volera mundu kali mulala ga Nyasaye wange ya vika mu mwoyo gwange kukolera Yerusalemi; na si nda li nemitugu halala ninze, ni gu ta li yigu mulala gwa nda nina ku.

Nehemia 4:2

Na ya vola imbiri wava mwavo veve, na imbiri welihe lya Samaria, na a vola, Yava Vayuda avadedekeri va kolanga ki? Ya levikira lugaga? Kinga va la haana ki haanwa? Kinga va la mala mu lidiku lilala? Va la simugukidza magina ga twule mu vitumi vyamandu, aga sambwa?

Nehemia 4:6

Ma kwombaka lidigi; na lidigi lyosi lya hambana halala kuduka inusu ya budiguluku bwalyo: kigira avandu va li nomwoyo gwokukola miyinzi.

Ayubu 10:21

Ni nkikiri kutsia ha ndi vula kwirana, Mu kivala kyekisundi, na kyekiriri kyelikudza;

Ayubu 10:22

Ki veye kivala kyekisundi kimwamu, kuli budiku hagati, Ki veye kivala kyekiriri kyelikudza, kivala ki ta veye nelilombwa lyevindu, Kandi ki veye kivala kyobulavu bwakyo bu veye kuli kisundi.

Ayubu 21:13

Amadiku gavo va tumekiranga mu ligasidzwa Kandi va sulungutanga Mung'ani bwangu.

Zaburi 6:5

Kigira mu likudza si ha li nekyokukwidzulitsira: Mu Kihadisi ibwaha u li ku santidza?

Tsing'ano 3:28

U ta volera mutende wowo, U tsie, ma udze kandi, Na nda ku ha mugamba; Navutswa kya yenyanga u veye nakyo himbi.

Kohelethu 11:3

Malesi ni gyizula imbula, ga la gi tsuka ku kivala; nomusala ni gu gwa gu henzanga ku luvega lwa kusini, naho ku luvega lwa kasikasini, ha musala gu gwidzanga niho ha gu vedzanga.

Kohelethu 11:6

Inyinga yomugamba taga bugutsa bubwo, na inyinga yomgolova u tigalira mukono gugwo mba: kigira si u manyi nobuliha ubu gasidzwa, ni yibu naho ni yibu, naho bwosi bu la duka kuleng'anabulahi.

Isaya 38:10

Nda vola, Ndingira mu viribwa vye Kilindwa mu madiku gange hagati: Nnuleywi litigala lyemihiga gyange.

Jeremia 29:13

Mu la nyenya, nokunyola, lwa mu nyenya nemyoyo gyenyu gyosi.

Livalidza 13:30

Na Kalebu ya kiring'annya avandu imbiri wa Musa, na a vola, Gendi, kwanegire kalunu ndi, nokugumira kivala; kigira kwinye ligali ku nyala kukiguuta.

Matayo 20:7

Navo va tivula, Kigira si ha li nomundu wa ku lagana naye. Ya va volera, Kandi mwinye mu tsie mu kizabibu.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Yohana 4:34

Yesu ya va volera, Vyokulia vyange nokukola ubulaliri bwa uyu wa ntuma, nokumaliridza miyinzi gyigye.

Yohana 5:4

Kigira ku tsinyinga, ingelosi yika ku lidivalia ku duvula amadzi, na uyu wingira kutanga lwa amadzi ga duvulwa, ya hona kubulwaye bwosi bwa mu nyola.

Yohana 9:4

Ga ku dukira kukola miyinzi gya uyu wa ntuma, gu kiri mbasu: ubudiku buudza, inyinga yomundu a ta nyala ku kola miyinzi.

Varumi 12:11

mu ta va nobugata mu bugulu bwenyu: mu ng'ering'ana mu mwoyo; mu ve avatugwa vo Mwami;

1 Vakorintho 15:10

Navutswa kigira tsimbabasi tsya Nyasaye mbeye kuli mbeye: kandi tsimbabasi tsitsye tsya nda hebwa si tsi veye tsya vutswa; navutswa inze nda kola miyinzi kuvita vosi: navutswa si ya li inze, navutswa tsimba basi tsya Nyasaye tsya li halala na inze.

1 Vakorintho 16:10

Navutswa Timoteo ni yadza, mu henze a ve ne mwinye bugira ubutii; kigira a kolanga miyinzi gyo Mwami, kuli inze nkolanga:

1 Vakorintho 9:24

Si mu manya yava ava gerana tsimbiru va nyagula vosi, navutswa mulala a nyola madanyii? Na ndiyo kandi mu nyagule; mu duke kunyola.

1 Vakorintho 9:26

Kunangwa inze nyagulanga si ga li kuli aga nta manya; kandi kuli nduyananga si ga li kuli u duyanga mwika:

Vafeso 5:16

mwegulire ubwiyangu, kigira tsinyinga tsi veye tsindamano.

Vakolosai 3:23

ku vyosi vya mu kola, mu kole nomwoyo, kuli ku Mwami, ga ta va kuli ku vandu;

1 Samweli 10:7

Na ga la va, vilolekidzu yivi lwa vi duka ku ive, u kole kuli u lola bulahi kukola; kigira Nyasaye a veye halala nive.