Kohelethu 8:9 - KITABU KITAKATIFU

⁹ Vindu yivi vyosi mmali ku vi lola, nokuvika mwoyo gwange mu miyinzi gyosi gyi kolangwa isi weliuva: i veye ho inyinga yomundu mulala a veye netsingulu ku wakye, kwisaliridza.

Kohelethu 8:9 ပူးပေါင်းရင်းမြစ်များ

2 Avami 25:7

Na viita avana va Zedekia avayai imbiri wetsimoni tsitsye, na va hudula Zedekia tsimoni, nokumu mbika mmunyororo, ni va mu hila Babuloni.

Kutwula 14:28

Na amadzi girana, na ga kunika magari gelihe, na avetsiparasi, kali lihe lyosi lya Farao lya va londerera mu inyanza; si ya tigala kali mulala kuvo.

Kohelethu 1:14

Mmali kulola miyinzi gyosi gyi kolangwa isi weliuva; na, henza, vyosi ni vya vutswa, nokudidikana ku imbuudza.

Kohelethu 3:10

Inze mmali kulola linyakana lya Nyasaye ya ha avana vavandu kunyankana mu.

Kohelethu 3:16

Kandi halala na yaga nda lola isi weliuva, ha likalaga, ubudamano bwa li ho; kandi ha bulungi, ubukyamu bwa li ho.

Kohelethu 4:1

Hene yaho ndirana nokulola vyosi vyekirage vi kolangwa isi weliuva: na, henza, amaliga ga yavo ava dambidzangwa, na si va veye nomundu kuvaleminya mwoyo; noku luvega lwa yavo ava va dambidzanga tsingulu tsya li ho; navutswa si va li nomundu kuvaleminya mwoyo.

Kohelethu 5:13

Bu veye ho ubudamano bu letanga bulwaye bwa nda lola isi weliuva, nabu o ni yibu, ubutugi bwomwene yevikira bu litsanga mwoyo gwigwe mwene:

Kohelethu 5:7

Kigira ku bunyingi bwamaloto ga veye ga vutswa, na mmakuva manyingi: navutswa ive u tie Nyasaye.

Kohelethu 5:8

Nu u va nu u lola avadaka ni va dambidzangwa, nelikalaga nobulungi kutwulidzwa nekirage mu kivala, u ta genyira yaga: kigira mulala a veye igulu ligali kuvita yavo ava veye igulu a henzanga, kandi va veye ho ava veye igulu kuvita yava.

Kohelethu 7:25

Nda vodonkana, nomwoyo gwange gwa vikwa ku limanya nokuvangula, nokwenya ubugeeri na kivune kyevindu, nokumanya ubudamano ni bwobusiru, nobusiru nibwo ubulalu.

Kohelethu 7:7

Ligali linyaga li kolanga umundu mugeeri kuva musiru; na vikukula vyi gotidzanga limanya.

Kwidzulitsa 2:30

Navutswa Sihon mwami wa Heshibon si ya ku ha munwa kumuvita; kigira Yahova Nyasaye wowo ya dinyeridza roho gwigwe, na a vika mmwoyo gwigwe kirage, a duke kumbika mu makono gogo, kuli ga veye lero.