Kohelethu 8:17 - KITABU KITAKATIFU

¹⁷ hene yaho nda lola miyinzi gyosi gya Nyasaye, kuli mundu si a nyala kuvagala miyinzi gyi kolangwa isi weliuva: kigira mundu kali ni yenya nokuguluhidza kugyivagala, si a gyi lola mba; yee, kandi kali mundu wobugeeri a ganagana kumanya navutswa si a nyala kugyilola mba.

Kohelethu 8:17 ပူးပေါင်းရင်းမြစ်များ

Ayubu 5:9

Uyu u kolanga vindu vinene vi ta manyekana, Vindu vyokugenya vi ta valika:

Zaburi 104:24

O Yahova, igirikunu miyinzi gyi gyo Yigyi gyosi wa gvi kola nobugeeri: Lirova lizuye ubuhinda bubwo.

Zaburi 40:5

O Yahova Nyasaye wange, miyinzi gyokugenya gya u koli gyi veye minyingi, Na tsiganagani tsitsyo itsi veye ku kwinye: Si tsi nyala kuvalidzwa ku ive; Ni mba ni nyenya kutsigamba no kutsivola, Tsi veye tsinyingi kuduka tsi ta nyala kuvalidzwa.

Zaburi 73:16

Lwa nda ganagana kuli nduka kumanya yaga Ga li ubudinyu mu tsimoni tsyange;

Kohelethu 1:13

Na nda vika mwoyo gwange kwenya nokuvangula nobugeeri mu vyosi vi kolangwa isi womigulu: li veye linyankana linene lya Nyasaye ya ha avana vavandu kunyankana kulyo.

Kohelethu 11:5

Kuli ive si u manya inzira yembuudza ni i li ha, kandi si u manya kuli liviruka lyevigumba mmunda mwomukali u veye inda; kandi ndiyo si u manyi miyinzi gya Nyasaye u kolanga vindu vyosi.

Kohelethu 3:11

Ya lomba vindu sa kilala kuva kilahi ku inyinga yakyo: kandi ya vika limanya lyemihiga nemihiga mmyoyo gyavo, navutswa ni ndiyo mundu si a nyala kuvangula miyinzi gwa Nyasaye a koli kutwula mu litanga kuduka mu kiheri.

Kohelethu 7:13

Mu ganagana ligali mi yinzi gya Nyasaye: kigira ni bwaha u nyala kulungikidza kindu kya ya lomba bukyamu?

Isaya 40:28

U kikiri kumanya? U kikiri kuhulira? Nyasaye wemihiga nemihiga, Yahova, Mulombi wetsintulu tsyelirova, si a kudzanga mwoyo, kandi si a luhanga; limanya lilye si liderangwa.

Varumi 11:33

O ubunyingi bwobutugi bwobugeeri no bwelimanya bwa Nyasaye likalaga lilye li vula kumanyekana ndi, kandi tsinzira tsitsye tsi vula kunyoleka ndi