Kohelethu 8:14 - KITABU KITAKATIFU

¹⁴ Li veye ho likuva lya vutswa li kolangwa ku lirova; va veye ho avobulungi ava nyolanga vindu vi leng'ana nevikolwa vyavadamano; kandi, va veye ho avadamano, ava nyolanga vindu vi leng'ana nevikolwa vyavalungi: nda vola yaga kandi ni ga vutswa.

Kohelethu 8:14 ပူးပေါင်းရင်းမြစ်များ

Ayubu 1:22

Mu makuva yaga gosi Ayubu si ya kola ubwoni mba, kandi si ya vola ku Nyasaye agobusiru.

Ayubu 21:7

Kigira ki avadamano va veye mwoyo Nokugwa avasakulu, yee, nokumedeka kuva netsingulu?

Ayubu 27:12

Henza, mwinye mwosi mu ga loli; Kunangwa kigira ki mwinye kuva ava vutswa ligali?

Zaburi 73:3

Kigira nda kendeka ku avasim, Lwa nda lola ubulahi bwa avada mano.

Kohelethu 10:5

Bu veye ho ubudamano bwa ndoli isi weliuva, bu veye kuli lihyola li tanganga ku mwamehi:

Kohelethu 2:14

Tsimoni tsya uyu wobugeeri tsi veye mmutwe gwigwe, nomusiru a tsitsanga mu kisundi: halala na yaga nda lola inkuva indala i gwiranga vosi halala.

Kohelethu 4:4

Kandi nda lola mu makuva gelididikana lyosi nomu miyinzi gyosi gyobusidza, mundu a kendekerangwa na vakye veye kigira yaga. Yaga kandi ga veye ga vutswa, nokudidikana ku imbuudza.

Kohelethu 4:8

A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

Kohelethu 7:15

Yaga gosi nda ga lola mu madiku gange ga vutswa: a veye ho mundu mulungi u divanga mu bulungi bwibwe, kandi a veye ho mundu mudamano u tsitsagil'langa mu livamwoyo lilye mu vikolwa vivye vyobukyamu.

Jeremia 12:1

Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

Malaki 3:15

Na kalunu ku vola avoluyai va veye nobuyanzi; yee, yavo ava kolanga miyinzi gyobudamano va gasidzangwa; yee, va geridzanga Nyasaye, na va hona.