Kohelethu 8:11 - KITABU KITAKATIFU

¹¹ Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

Kohelethu 8:11 ပူးပေါင်းရင်းမြစ်များ

2 Samweli 11:15

Na ya ng'oda mwibaruwa, na a vola, U vike Uria imbiri mu bulwani bu veye bululu ligali, na mu twule na mmu leke, a duke kukuywa, a kudze.

Ayubu 24:23

Nyasaye a haana kuvo kuva mu mirembe na va sosanga mugyo; Netsimoni tsitsye tsi veye igulu wetsinzira tsyavo.

Zaburi 10:4

Mudamano mu luyai lwommoni mwimwe a wla, si a la vanza mba. Tsiganagani tsitsye tsyosi tsi veye kuvola, Si ha li na Nyasaye.

Zaburi 10:6

A volanga mmwoyo gwigwe, Inze si nda sundwa mba; Kuduka ku makula na makula si nda kupa kivi mba.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Kutwula 34:6

Na Yahova ya vita imbiri wewe, ni yilwadza, Yahova, Yahova, Nyasaye wetsimbabasi nowobugasu, umuhoma, wa galaha ku butima, nomuhinda wobuyanzi na ageligali;

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kutwula 8:32

Na Farao ya dinnya mwoyo; gwigwe inyinga yiyi kandi, na si ya lakula avandu va tsie mba.

Kohelethu 9:3

Likuva yili li veye ubudamano mu gosi aga kolangwa isi weliuva, kindu kilala ki nyola vosi kuleng'ana: yee, kandi, mwoyo gwavana vavandu gwizula ubudamano, na ubulalu bu veye mu mwoyo gwavo inyinga va veye nelivamwoyo, na inyima wa yaga va tsia ku avakudzu.

Isaya 26:10

Mudamano kali na a kolerwa tsimbabasi si a lyega ubulungi mba; mu kivaia kyobulungi uyu u la kola ubukyamu, na si a la lola ubukumi bwa Yahova.

Isaya 57:11

Kandi u tiye ibwaha nokuva mu butii, na u luhe u veha, na u vula kwidzulitsa inze, kandi si wa vika mwoyo mu likuva yili? Inze si nkiring'ani tsinyinga tsinyingi, na ive wa vula kuntia?

Jeremia 42:15

kalunu mu hulire likuva lya Yahova mwinye ava tigala Vayuda: Yahova wa mahe, Nyasaye wa Israeli, a vola, Mwinye ni mu va ni mu henzidza mmoni mwenyu ligali kwingira Egepeti, mu tsie kumenya yo;

Jeremia 48:11

Moabu a menya mu bwelemeridzi kutwula bwana buke, wegedi ku maseke gege, si a tsukwa kutwula mu kiju yiki kuduka mu kiju yiki, kandi a vula kutsia mu lyadikidzwa: kigira yaga bunulu bwibwe bu menyanga muye, na amalusu gege si ga girunkana mba.