Kohelethu 7:9 - KITABU KITAKATIFU

⁹ U ta va nomwoyo gwokuhyuhyukana kuduka kuvihirirwa: kigira ubutima bu me nyanga mu viritu vyavasiru.

Kohelethu 7:9 ပူးပေါင်းရင်းမြစ်များ

Litanga 4:8

Na Kaini ya volera Habili amwavo wewe. Na ga duka, lwa va li mmulimi, Kaini ya twulira Habili amwavo wewe, na a mwiita.

2 Samweli 13:22

Na Abisalom si ya volera Amnon ubulahi kinga ubudamano; kigira Abisalom ya dunyira Amnon, kigira ya niga mbotso wewe Tamaru.

2 Samweli 13:28

Na Abisalom ya laga avatumekiri veve, na a vola, Henzi kalunu, Amnon lwa mwoyo gwigwe gu sangala kigira iwaini; na lwa mbolera mwinye, Kuyi Amnon, hene yaho mu mwiite; mu ta tia mba; si a ve inze u mu laga? Mu lume enkolo, mu ve avaluviriri.

2 Samweli 13:32

Na Jonadabu, mwana wa Shimea, amwavo Daudi, ya tivula na a vola, Munene wange a ta ganagana wiiti avasoleli vosi vomwami; kigira ni Amnon yeng'ine u kudzi: kigira ku litovola lya Abisalom lya saavirwa kutwula ku lidiku lya ya niga mbotso wewe Tamaru.

2 Samweli 19:43

Navandu va Israeli va tivulira avandu va Yuda, ni va vola, Kwinye ku veye nevidieli likumi mu mwami, na ku veye neliva lyetu mu mwami kuvita mwinye: kigira ki mwinye mu leganga kwinye, kuduka likuva lyetu li vule kutanga kwenywa lyokwirannya mwami wetu? Namakuva gavandu va Yuda ga li malulu kuvita makuva gavandu va Israeli.

Tsing'ano 14:17

Uyu u vihirirangwa bwangu a la kola agobusiru; Na mundu wetsiganagani tsindamano a dunyirangwa.

Tsing'ano 14:29

Uyu mwikudziri wobutima a veye nelimanya linene; Navutswa uyu womwoyo gwa bwangubwangu a kuminyanga ubusiru.

Tsing'ano 16:32

Uyu mwikudziri ku butima a veye mulahi kuvita avaluviriri; Na uyu wamehanga mwoyo gwigwe a veye mulahi kuvita u vugulanga lidala.

Tsing'ano 25:8

U ta tsia bwangu kuhing'ana nomundu, Gase u la vula kumanya, kya u li kola inyima, Lwa mutende wowo a ku legannyi.

Kohelethu 7:10

U ta vola, Kigira ki madiku ga kale kuva malahi kuvita madiku ga ka lunu? Kigira si u tevanga nobugeeri mu inkuva yiyi.

Jona 4:3

Kunangwa, O Yahova, nku goonyanga, u ntwulidzire livamwoyo lyange; kigira nobulahi inze nkudze kuvita kuva mwoyo.

Jona 4:8

Na ga duka, lwa liuva lya twula, Nyasaye ya lomba imbuudza yevugwe i sambanga; na liuva lya samba ku mutwe gwa Jona, naye ya kudza mwoyo, ni yeyenyera likudza, na a vola, Nobulahi ku inze kukudza kuvita kuva mwoyo.

Jona 4:9

Na Nyasaye ya teva Jona, Ga veye malahi ku ive kuva nobutima kigira liungu? Naye ya tivula, Yee, ga veye malahi ku inze kuvihirirwa, kali kuduka likudza.

Marko 6:19

Na Herodiya ya mu dunyira, ni yenya kumwiita; navutswa si ya nyala mba.

Marko 6:24

Ya twula na a teva mama wewe, Nda mu teva ki? Ya mu volera, Mutwe gwa Yohana Mbatidzi.

Yakobo 1:19

Avamitu avayanze, mu manya likuva yili. Navutswa mundu sa mulala a ve mwangu kuhulira, nomwihuliridzi ku livola, mwikudziri ku butima: