Kohelethu 7:8 - KITABU KITAKATIFU

⁸ Kiheri kyekindu ni kilahi kuvita litanga lyakyo: na u veye mwekudziri mu mwoyo nomulahi kuvita u veye nomwoyo gwoluyai.

Kohelethu 7:8 ပူးပေါင်းရင်းမြစ်များ

Tsing'ano 13:10

Uluyai lu letanga ubuhing'ani bwere; Navutswa ava vugulanga makuva malahi va veye nobugeeri.

Tsing'ano 14:29

Uyu mwikudziri wobutima a veye nelimanya linene; Navutswa uyu womwoyo gwa bwangubwangu a kuminyanga ubusiru.

Tsing'ano 15:18

Mundu mululu a viridzanga lihing'ana; Navutswa uyu mwikudziri wobutima a gayidzanga lihing'ana.

Tsing'ano 16:32

Uyu mwikudziri ku butima a veye mulahi kuvita avaluviriri; Na uyu wamehanga mwoyo gwigwe a veye mulahi kuvita u vugulanga lidala.

Tsing'ano 28:25

Uyu womwoyo gwelikayirwa, a vukidzanga lihing'ana; Navutswa uyu u suuviranga Yahova a la komeridzwa.

Kohelethu 7:1

Lieta lilahi nobulahi kuvita maguta gobuguli budinyu; nelidiku lyelikudza, ni lilahi kuvita lidiku lyelivulwa lyomundu.

Luka 16:25

Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.

Luka 21:19

Ku bwikudzihidzi bwenyu mu la nyola myoyo gvenyu.

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vafeso 4:2

nobwegehidzu bwomwoyo bwosi nobuhooma, kandi nobwikudziri, mwikudzirane avene navene mu buyanzi;

Vahebraina 10:36

Kigira mu veye nelyenya lyobwikudziri, inyinga mu mali kukola aga Nyasaye yenyanga, mu nyole lisuuviridzwa.

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

Yakobo 5:8

Na mwinye mwikudzire; mu luviridze myoyo gyenyu: kigira lidza lyo Mwami li veye himbi.

1 Petro 1:13

Kigira yaga mu bohe vikenge vyemyoyo gyenyu, mu ve nobugeeri, mu vike lisuuvira lyenyu ligali ku tsimbabasi tsya mu li leterwa mu lilang'aminywa lya Yesu Kristo;