Kohelethu 7:4 - KITABU KITAKATIFU

⁴ Mwoyo gwo mugeeri gu veye mu inyumba ya va syomanga mu; navutswa mwoyo gwa vasiru gu veye mu inyumba yobukino.

Kohelethu 7:4 ပူးပေါင်းရင်းမြစ်များ

2 Samweli 13:28

Na Abisalom ya laga avatumekiri veve, na a vola, Henzi kalunu, Amnon lwa mwoyo gwigwe gu sangala kigira iwaini; na lwa mbolera mwinye, Kuyi Amnon, hene yaho mu mwiite; mu ta tia mba; si a ve inze u mu laga? Mu lume enkolo, mu ve avaluviriri.

1 Avami 20:16

Na va twula mbasu hagati. Navutswa Benhadadi ya li mu linwa kuduka kuhambika mu mahema, uyu navami, va li avami makumi gavaka na vaviri ava mu konya.

Kohelethu 2:1

Nda vola mu mwoyo gwange, Kalunu hamba, nda geridza ive nelisangala: kunangwa u lole ubusangali: kandi, henza, yaga kandi ga li ga vutswa.

Kohelethu 7:3

Livererera ne lilahi kuvita liseka: kigira mwoyo gu sangalitsangwa neli vererera lyommoni.

Kohelethu 7:5

Nobulahi kuhulira ligondoka lyavageeri, kuvita mundu kuhulira lwi mbu lwavasiru.

Isaya 21:4

Mwoyo gwange gu herananga, litihidza li mbiki mu butii: inyinga ya bwiranga ya nyenyanga i girunkanyeywi kuva lidegera ku inze.

Jeremia 51:39

Lwa va ga li mulira, nda va lombera lisavo lyavo, na nda va hambikidza, va duke kusangala, noku gona tsindolo tsya kazozo, va vule kuvuka, Yahova a vola.

Jeremia 51:57

Kandi nda hambikidza vanene veve, navandu veve vobugeeri, navagali veve, navayampara veve, navaluviriri veve; va la gona tsindolo tsya kazozo si va la vulsa mba, Mwami a vola welieta lilye li veye Yahova wa mahe.

Danyeli 5:30

Ubudiku zana yibwo Belishazaru mwami Mukalidei, yiitwa.

Hosea 7:5

Ku lidiku lyomwami wetu avanene vekola avalwaye nobululu bwewaini; ya nyira mukono gwigwe halala na valegi.

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

1 Samweli 25:36

Na Abigaili yirana ku Nabali; na, henza, ya lomba lilia mu inyumba yeye, kuli lilia lyomwami; nomwoyo gwa Nabali gwa li nobusangala muye, kigira ya hambika ligali: kigira yaga mukali wewe ya vula kumuvolera kindu, ku bukekeke kinga ku bunyingi, bwa luha bwa kya.

1 Samweli 30:16

Na lwa ya mu sulugutidza henza, va salanywa ku kivala kyosi, ni va lia ni va nwa, nokukina, kigira vilanye vyosi vinene vya va vugula kutwula mu kivala kya Vafilisiti, nokutwula mu kivala kya Yuda.