Kohelethu 7:2 - KITABU KITAKATIFU

² Nobulahi kutsia ku inyumba ya va syomanga mu, kuvita kutsia ku ya va litsanga mu lisavo: kigira ni kyekiheri kyavandu vosi, uyu u veye mwoyo a la ganagana mmwoyo gwigwe.

Kohelethu 7:2 ပူးပေါင်းရင်းမြစ်များ

Zaburi 90:12

U kwegidze ndi kuvalidza madiku getu, Ku duke kwenyolera mwoyo gwobugeeri.

Kohelethu 2:14

Tsimoni tsya uyu wobugeeri tsi veye mmutwe gwigwe, nomusiru a tsitsanga mu kisundi: halala na yaga nda lola inkuva indala i gwiranga vosi halala.

Kohelethu 2:16

Kigira si ha veye nokwidzulitswa mihiga nemi higa ku mugeeri, kuli musiru; kigira mu madiku gadzanga, yaga va la va ni va mali kwivirirwa. Nowobugeeri akudzaga ndi, ni halala kuli musiru

Kohelethu 3:19

Ki gira vindu yivi vyavana vavandu va nyolanga, tsinyama kandi tsi vi nyolanga: kindu kilala ki va nyolanga: kuli mulala a kudzanga, na yindi kandi i kudzanga ndiyo; yee, vyosi vi veye nomwika mulala; nomundu si a veye nekindu kuvita tsinyama kigira gosi na ga vutswa.

Kohelethu 3:20

Vosi va tsitsanga ha bugono bulala; vosi va veye avolugukvi, kandi vosi va lirana kugwa lugukyi.

Kohelethu 6:6

yee, kali na a va mwoyo mihiga elfu nokumeda hali kaviri, na a vula kunyola kusangalira ubulahi, si va tsitsanga ha bugono bulala vosi?

Kohelethu 9:2

Vindu vyosi vi duka ku vosi kuleng'ana: kindu kilala ki dukanga ku wobulungi noku mudamano; ku mulahi noku musiyeku noku uyu u ta li musiyeku; ku uyu u haananga kihaanwa noku uyu u ta haana kihaanwa; kuli mulahi a veye kandi wobwoni a veye ndiyo; uyu u suhanga a leng'ana kuli uyu u tidzanga lisuha.

Kohelethu 9:3

Likuva yili li veye ubudamano mu gosi aga kolangwa isi weliuva, kindu kilala ki nyola vosi kuleng'ana: yee, kandi, mwoyo gwavana vavandu gwizula ubudamano, na ubulalu bu veye mu mwoyo gwavo inyinga va veye nelivamwoyo, na inyima wa yaga va tsia ku avakudzu.

Kohelethu 9:5

Kigira ava veye mwoyo va manya va la kudza: navutswa ava kudza si va manya kindu mba, kandi si va veye namadanyi kandi; kigira lidzulitswa lyavo li mali kwivirirwa.

Isaya 47:7

Na wa vola, Inze nda va mukali wobwami mibiga nemihiga; na wa luha na wa vula kuvika vindu yivi mmwoyo gugwo, na si widzulitsa kiheri kyevindu kuli ki li va.

Jeremia 16:8

U tingira mu inyumba yokulia lisavo kwikala halala navo kulia nokunwa.

Haggai 1:5

Kunangwa kalunu kigira yaga Yahova wa mahe a vola ndi: Mu vike myoyo gyenyu ku tsinzira tsyenyu.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

Livalidza 23:10

Ni bwaha u nyala kuvalidza ulugukyi lwa Yakobo? Kinga ni bwaha u nyala kuvalidza kidieli kya kane kya Israeli? Inze, mwoyo gwange nkudze likudza lyomulungi, Na kiheri kyange ki ve kuli kiheri kikye.

Matayo 5:4

Va veye nobugasu ava veye neliverera: kigira va la leminnywa mmyoyo.

Kwidzulitsa 32:29

Nkano va veye nobugeeri kumanya yaga, Va duke kuganagana kiheri kyavo

Kwidzulitsa 32:46

na a va volera, mu vike mu myoyo gyenyu amakuva yaga gosi aga ndolekidzanga ku mwinye lero, na mu lage ku avana venyu va linde, nokukola amakuva gosi gelilaga yili.

Vafilipi 3:19

avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;