Kohelethu 7:12 - KITABU KITAKATIFU

¹² Kigira ubugeeri bu veye lidigi, kuli ifetha i veye lidigi: navutswa ubulahi bweli manya bu veye ndi, ubugeeri bu veye lugaga lwelivamwoyo lya uyu u veye nabwo.

Kohelethu 7:12 ပူးပေါင်းရင်းမြစ်များ

Ayubu 1:10

Ive i wa kumbiridza kuye lwevo tsimbega tsyosi, halala nenyumba yeye, nevindu vyosi vya a veye navyo? Miyinzi gyamakono gege wa gyi gasidza, nobutugi bwibwe bu medekanga mu kivala.

Zaburi 57:1

U mbere tsimbabasi, O Nyasaye, u mbere tsimbabasi; Kigira mwoyo gwange gwivisa mu ive: Yee, mu kiriri kyetsimbaha tsitsyo ndivisa, Kuduka kivi yiki ki heri.

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Tsing'ano 14:20

Mudaka a dunyirangwa kali nomutende wewe mwene; Navutswa mutugi a veye navalina avanyingi.

Tsing'ano 2:11

Tsiganagani tsinungi tii la ku linda; Limanya li la ku linda:

Tsing'ano 2:7

A vikira avalungi ubugeeri budukiru; A veye ingavo kuvo ava genda mu budukiru;

Tsing'ano 3:18

A veye musala gwelivamwoyo ku vosi ava mu gumira: Kandi sa mulala u hambana naye a veye nobugasu.

Tsing'ano 8:35

Kigira ku vosi uyu u nyolanga inze a nyolanga livamwoyo, Na a la nyola tsimbabasi tsya Yahova.

Tsing'ano 9:11

Kigira ku inze, madiku gogo ga la medeka, Na mihiga gyelimenya lilyo gyi la medeka.

Kohelethu 10:19

Lisavo li kolangwa kigira lisangala, na iwaini i sangalidzanga livamwoyo; nefetha i letanga litivula lyevindu vyosi.

Kohelethu 2:13

Hene yaho nda lola ubugeeri bu vita ubu siru, kuli ubulavu bu vitanga kisundi.

Kohelethu 7:19

Ubugeeri bu veye tsingulu ku uyu u veye nobugeeri kuvita avamehanga likumi va veye mu lidala.

Kohelethu 9:16

Hene yaho nda vola, Ubugeeri nobulahi kuvita tsingulu halala na yaga ubugeeri bwomudaka uyu bwa legwa, na makuva gege si ga hulirangwa.

Kohelethu 9:18

Ubugeeri nobulahi kuvita vyuma vyobulwani, navutswa mwoni mulala yononyanga vilahi vinyingi.

Isaya 30:2

ava tsitsanga kusulunguta Egepeti, na si va teva munwa gwange; va duke kwivika tsingulu mu tsingulu tsya Farao, nokwivisa mu kiriri kya Egepeti

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Isaya 33:6

Tsinyinga tsitsyo tsi la va nelidinyeridza, ubuhonnyi bumyingi, nobu geeri, nelimanya: litia Yahova li veye butugi bwibwe bwakiba.

Yohana 12:50

Inze mmanya lilaga lilye li veye livamwoyo li ta hera mba: kunangwa aga mbolanga, kuli Dada ya mbolera, mbola ndiyo.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Kwidzulitsa 32:47

Kigira si ga veye amakuva ga vutswa ku mwinye; kigira ga veye livamwoyo lyenyu, noku inkuva yiyi ma madiku genyu mu la ga kola manyingi ku kivala, kya mwambukanga Yordani kukigumira.

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

Vakalagi 9:15

Nolutavati lwa volera misala zana, Ni mu va ni mu mbaka maguta mbe mwami ku mwinye ligali, hambi mu suuviri kiriri kyange; ni ga va ni ga ta veye ndiyo, umuliru gu twule mu lutavati, na gu sambe mitaragwa gya Lebanon.