Kohelethu 6:6 - KITABU KITAKATIFU

⁶ yee, kali na a va mwoyo mihiga elfu nokumeda hali kaviri, na a vula kunyola kusangalira ubulahi, si va tsitsanga ha bugono bulala vosi?

Kohelethu 6:6 ပူးပေါင်းရင်းမြစ်များ

Litanga 5:5

Na madiku gosi ga Adamu ya hindira ga li mihiga tsimia tsitano na tsine na mihiga makumi gavaka: na a kudza.

Ayubu 1:21

na ya vola, Inze nda twula munda mwa mama wange ni mbeye mwere, na kandi ndirana yo ndiyo mwere; Yahova ya haana, kandi Yahova u vuguye; Iieta lya Yahova li gasidzwe.

Ayubu 30:23

Kigira manya u la ndeta kuduka mu likudza Noku inyumba ya lomberwa avelivamwoyo vosi.

Ayubu 7:7

Mwidzulitse livamwoyo lyange li veye kuli imbuudza: Imoni yange si i la lola ubulahi kandi mba.

Zaburi 34:12

Ni musatsa ki u kayirangwa liva mwoyo Na a yanza madiku manyingi, a lole ubulahi?

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

Kohelethu 2:14

Tsimoni tsya uyu wobugeeri tsi veye mmutwe gwigwe, nomusiru a tsitsanga mu kisundi: halala na yaga nda lola inkuva indala i gwiranga vosi halala.

Kohelethu 3:20

Vosi va tsitsanga ha bugono bulala; vosi va veye avolugukvi, kandi vosi va lirana kugwa lugukyi.

Kohelethu 6:3

Mundu na a va ni yivula avana mia nokuhindira mihiga minyingi, kuduka amadiku gemihiga gyigye kuva minyingi, navutswa si yigutanga ubulahi mu mwoyo gwigwe, kandi kuvita yaga si a nyola livikwa mu kilindwa; inze mbola, inda ya tadza, nobugasu kuvita mundu uyu:

Kohelethu 6:5

kandi si li loli liuva kinga kulimanya; liva yili li nyolanga lisosa kuvita yilyo:

Kohelethu 7:2

Nobulahi kutsia ku inyumba ya va syomanga mu, kuvita kutsia ku ya va litsanga mu lisavo: kigira ni kyekiheri kyavandu vosi, uyu u veye mwoyo a la ganagana mmwoyo gwigwe.

Kohelethu 9:2

Vindu vyosi vi duka ku vosi kuleng'ana: kindu kilala ki dukanga ku wobulungi noku mudamano; ku mulahi noku musiyeku noku uyu u ta li musiyeku; ku uyu u haananga kihaanwa noku uyu u ta haana kihaanwa; kuli mulahi a veye kandi wobwoni a veye ndiyo; uyu u suhanga a leng'ana kuli uyu u tidzanga lisuha.

Isaya 65:20

Si a la va ho kandi mwana mudoto wa madiku makekeke, kinga musakulu u kikiri kudukidza madiku gege: kigira mwana a la kudza na a veye mihiga mia, nowo bwoni wemihiga mia a la laamwa.

Isaya 65:22

Si va lombaka, ma wundi a menya mu mba; si va la taga, ma wundi a lia makuyu mba: kigira kuli amadiku gomusala ga veye ni ndiyo madiku gavandu vange ga la va, avatovole vange va la sangalira madiku manyingi mu miyinzi gya makono gavo.

Jeremia 17:6

Kigira a la va kuli musala gwekyangalangwi a la vula kulola lwa bulahi bu duka, navutswa a la menya ahumu mu kyangalangwi, kivala kyomunyu kyavandu va ta menya mu.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;