Kohelethu 5:8 - KITABU KITAKATIFU

⁸ Nu u va nu u lola avadaka ni va dambidzangwa, nelikalaga nobulungi kutwulidzwa nekirage mu kivala, u ta genyira yaga: kigira mulala a veye igulu ligali kuvita yavo ava veye igulu a henzanga, kandi va veye ho ava veye igulu kuvita yava.

Kohelethu 5:8 ပူးပေါင်းရင်းမြစ်များ

2 Kyetsinyinga 26:10

Na yombaka minara mwi gendanyama, na ya yava bwina bwo kuvungidza mu amadzi, kigira ya li nemitugu minyingi; kandi mu kivala kyekivanda, nomu kireremu: na ya li na valimi na valindi vemizabibu mu vigulu nomu milimi gyevindu vinyi ngi; kigira ya li ni ya yanza kulima

Ayubu 24:23

Nyasaye a haana kuvo kuva mu mirembe na va sosanga mugyo; Netsimoni tsitsye tsi veye igulu wetsinzira tsyavo.

Zaburi 12:5

Kigira lidambidzwa lyavadedekere, na likenya lyavadaka, Yahova a vola, Kalunu nda singira Na nda mu vika ha buhonnyi bwa yenyanga.

Zaburi 55:9

O Mwami wononnye, na u salannye tsinimi tsyavo; Kigira ndoli kirage na ubutindi mu lidala.

Zaburi 82:1

Nyasaye a singiranga mu livu gana lya Nyasaye; A kalaganga hagati ha vanyasaye.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Zaburi 95:3

Kigira Yahova a veye Nyasaye munene, A veye M wami munene kuvita avanyasaye vosi.

Tsing'ano 22:16

Uyu u dambidza avadaka kumeda vyambeti vivye Na uyu u hedzanga avatugi vindu, vombi halala va la daka.

Tsing'ano 24:12

Nu u va nu u vola, Henza, si kwa manya yaga; Uyu u geranga myoyo ku iratili, si a lola likuva li veye yo yili? Na uyu u lindanga mwoyo gugwo, si a li manya? Naye si a la tunga mundu sa mulala kuli miyinzi gyigye?

Tsing'ano 8:17

Nyanzanga yavo ava yanza inze; Navo avenyanga budinyu va la nyola inze.

Kohelethu 3:16

Kandi halala na yaga nda lola isi weliuva, ha likalaga, ubudamano bwa li ho; kandi ha bulungi, ubukyamu bwa li ho.

Kohelethu 4:1

Hene yaho ndirana nokulola vyosi vyekirage vi kolangwa isi weliuva: na, henza, amaliga ga yavo ava dambidzangwa, na si va veye nomundu kuvaleminya mwoyo; noku luvega lwa yavo ava va dambidzanga tsingulu tsya li ho; navutswa si va li nomundu kuvaleminya mwoyo.

Kohelethu 5:9

Kandi halala na yaga vyambeti vyekivala vi veye ku vosi: na mwami muene a tumekirangwa nomulimi.

Kohelethu 7:7

Ligali linyaga li kolanga umundu mugeeri kuva musiru; na vikukula vyi gotidzanga limanya.

Kohelethu 8:9

Vindu yivi vyosi mmali ku vi lola, nokuvika mwoyo gwange mu miyinzi gyosi gyi kolangwa isi weliuva: i veye ho inyinga yomundu mulala a veye netsingulu ku wakye, kwisaliridza.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 3:15

kigira ki mu dambidza avandu vange, nokusia mmoni mwa vadaka? Mwami Yahova wa mahe, a vola.

Isaya 37:36

Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Ezekieli 18:18

Ku makuva ga dada wewe, kigira ya dambidza avandu nobululu, nokunuula amwavo wewe nekirage, nokukola aga ta li malahi hagati ha avandu veve, henza, uyu a la kudzira mu bwoni bwibwe.

Amosi 5:12

Kigira mmanya kuli mahyolo genyu ga veye tsing'ano tsinyingi, na bwoni bwenyu kuli bu veye bwetsingulumwinye ava da mbidza avalungi, ava vugulanga vikukula, nokugirunkannya avadambi ha kiribwa va vule kunyola bulungi.

Amosi 6:12

Tsiparasi tsi la nyagula ku lwanda? Mundu a la lima yo netsing'ombe? Mu duke kugirunkannya likalaga li ve indulwi, namakuyu gobulungi kuva vilulu,

Mika 2:9

Avakali va avandu vange mu va teye kyova kutwula mu tsinyumba tsyavo tsindahi; navana vavo vadoto mu va nyaga ubukumi bwange mihiga nemihiga.

Zekaria 8:6

Yahova wa mahe a vola. Ni li va ni li veye likuva lyokugenya imbiri wetsimoni tsyavo avatigala ku avandu yavo mmadiku yago, ga dukanga kuva likuva lyokugenya imbiri wange? Yahova wa mahe a vola.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Luka 1:32

A la ka ve munene, kandi a la ka langwe Mwana wa Uveye Igulu Ligali: kandi Mwami Nyasaye a la ka mu he kisako kya guga wewe Daudi:

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 1:76

Yee, kandi ive mwana u la langwa muprofeti wa Uveye Igulu Ligali: Kigira u la tsia imbiri wo Mwami kulomba tsinzira tsitsye;

Vikolwa 12:23

Kandi nonoho ingelosi wo Mwami ya mu duya, kigira si ya ha Nyasaye ubukumi: tsing'ende tsya mu lia na a kudza.

Varumi 11:33

O ubunyingi bwobutugi bwobugeeri no bwelimanya bwa Nyasaye likalaga lilye li vula kumanyekana ndi, kandi tsinzira tsitsye tsi vula kunyoleka ndi

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.

1 Petro 4:12

Avayanze, mu ta genya ku ligeridza lyomuliru li mu geridza li veye hagati henyu kumugeridza, kuli kindu kigeni kya mu gwira:

1 Yohana 3:13

Mu ta genya, avamitu, avomkivala ni va mu dunyira.