Kohelethu 5:6 - KITABU KITAKATIFU

⁶ U ta leka munwa gugwo kwikigitalidza mubiri; kandi u ta vola imbiri wengelosi, nda li kuhyola: kigira ki Nyasaye a vihirirwa mwoyo gugwo, nokudividza miyinzi gyamakono gogo?

Kohelethu 5:6 ပူးပေါင်းရင်းမြစ်များ

Litanga 48:16

Ingelosi wa mbonnya kuntwulidza ku budamano bwosi, a gasidze avayai; na lieta lyange litalirwe kuvo, na lieta lya vaguga vange Abrahamu na Isaka; navo va viruke, nokukula kuva avanyingi mu lirova.

Tsing'ano 23:17

Mwoyo gugwo gu ta kendeka ku avetsimbi; Navutswa u ve mu litia Yahova mbasu bei:

Kohelethu 10:12

Makuva gomundu mugeeri ga veye makuva geliverererwa; navutswa minwa gyomusiru gyi la mu mira mwene.

Kohelethu 3:14

Inze manya, vindu sa kilala kya Nyasaye a kolanga, ki la va kyemihiga nemihiga: kukimeda si ga nyalika, kinga kukigehidza; Nyasaye a gi koli, avandu va tie imbiri wewe.

Kyavalevi 4:2

U volere avana va Israeli, nokuvola, Mundu na a va na a kola ubwoni bugira lisaavira, ku likuva lyosi lya Yahova ya gaya li ta kolwa, na a kola lilala kugo:

Kyavalevi 4:22

Na mwamehi lwa a kola ubwoni bugira lisaavira, kilala ku vyosi vya Yahova Nyasaye wewe u gayi vi ta kolwa mba, naye a nyoye likalagirwa;

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Livalidza 15:25

Na musalisi a la lomba kyokukunika ubwoni bwelivugana lyosi lya avana va Israeli, na va la samefwa; kigira lya li lihyolo, navo va leti kihaanwa kyavo, kihaanwa ki lombwa nomuliru ku Yahova, na kihaanwa kyavo kyobwoni imbiri wa Yahova, kigira lihyolo lyavo:

1 Vakorintho 11:10

kigira yaga nu bulahi mukali a ve nekiloleru kyokwamehirwa ku mutwe gwigwe, kigira tsingelosi.

1 Timoteo 5:21

Nku laga imbiri wa Nyasaye, nembiri wa Kristo Yesu, nembiri wetsingelosi ava tovolwa, u linde vindu yivi bugira kuva nelikalaga lya bwangubwangu, kandi u ta kola kindu kali kilala nelyeridza.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Yakobo 1:26

Mundu ni yeganagana a veye wedini, naye na a ta boha lulimi lwilwe nelijamu, navutswa a gada mwoyo gwigwe, mundu uyu, idini yeye neya vutswa.

Yakobo 3:2

Kigira kwosi kwikigitala ku vindu vinyingi. Mundu u tikigitala ku livola a veye mudukiru, u nyalanga kwigalira nelijamu, mubiri gwosi.

2 Yohana 1:8

Mwehenze mwinye avene, mu vule kugotidza vindu yivyo vya kwa kola, navutswa mu duke kunyola madanyi madukiru.