Kohelethu 5:10 - KITABU KITAKATIFU

¹⁰ Uyu u yanza ifetha si a liguta ifetha; kandi uyu u yanza bunyingi bwevindu, si a liguta limedeka: yaga kandi na ga vutswa.

Kohelethu 5:10 ပူးပေါင်းရင်းမြစ်များ

Zaburi 52:1

Kigira ki wiidzominya mu mahyolo, O wetsingulu? Tsimbabasi tsya Nyasaye tsihindiranga kazozo.

Zaburi 52:7

Henza, uyu a veye mundu wa vula kukola Nyasaye lugaga lwilwe, Navutswa ya suuvira ubunyingi bwobutugi bwibwe, Na yesingeridza mwene mu ubudamano bwibwe.

Zaburi 62:10

Mu ta suuvira lidambidza, Mu tegingira ku lilanya lyenyu: Ubutugi ni bu medeka, u ta bu vika mu mwoyo gugwo.

Kohelethu 1:17

Nda vika mwoyo gwange ku limanya ubugeeri, nokumanya ubulalu nobusiru kuli vi veye: na nda lola miyinzi yigyo gyi veye kudidikanira imbuudza.

Kohelethu 1:8

Vindu vyosi vizuye liluha; mundu si a nyala kuvola inkuva yiyi: imoni si yigutanga lilola mba, kandi ugutu si gwizulanga lihulira mba.

Kohelethu 2:10

Na ku vyosi kya tsimoni tsyange tsya kayirwa si nda tsima kya zana mba; si nda gaya mwoyo gwange mu busangali mba; kigira mwoyo gwange gwa li ni gu sangalira linyankana lyange lyosi; na yiki kya li kidieli kyange mu linya nkana lyange lyosi.

Kohelethu 2:11

Ma nda henza miyinzi gyosi gyamakono gange ga kola, nelinyankana lyosi lya nda nyankana ku: henza, vyosi vya li vya vutswa nokudidikana ku imbuudza, kandi si ha li nekyambeti kali kilala, isi weliuva.

Kohelethu 2:26

Kigira Nya saye a hedzanga umundu wa a yanza ubugeeri, nelimanya, nelisangala; navutswa a hedzanga wobwoni, linyankana, kuvungidza nokumeda, a duke kuha wa Nyasaye a yanza. Yaga kandi na ga vutswa, nokudidi kana ku imbuudza.

Kohelethu 3:19

Ki gira vindu yivi vyavana vavandu va nyolanga, tsinyama kandi tsi vi nyolanga: kindu kilala ki va nyolanga: kuli mulala a kudzanga, na yindi kandi i kudzanga ndiyo; yee, vyosi vi veye nomwika mulala; nomundu si a veye nekindu kuvita tsinyama kigira gosi na ga vutswa.

Kohelethu 4:16

Avandu vosi si va li nekiheri, vosi ava ya li igulu kuvo: navutswa vosi ava lidza inyima wewe si va la sangala kuye mba. Ligali yaga kandi na ga vutswa, nokudidikana ku imbuudza.

Kohelethu 4:4

Kandi nda lola mu makuva gelididikana lyosi nomu miyinzi gyosi gyobusidza, mundu a kendekerangwa na vakye veye kigira yaga. Yaga kandi ga veye ga vutswa, nokudidikana ku imbuudza.

Kohelethu 4:8

A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

Kohelethu 5:9

Kandi halala na yaga vyambeti vyekivala vi veye ku vosi: na mwami muene a tumekirangwa nomulimi.

Kohelethu 6:7

Lididikana lyosi lyomundu li veye kigira munwa gwigwe, navutswa inzala yeye si yiguta.

Matayo 6:19

Mu tivikira tsikiba mu lirova, he tsisere netsisisinia tsyononnya kandi ha avivi vigulira ni viba:

Matayo 6:24

Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Luka 12:15

Kandi ya va volera, Mwelinde ku likayirwa lyosi: kigira liva mwoyo lyomundu si li veye ku vindu vinyingi vya a veye navyo.

1 Timoteo 6:10

Kigira kitinya kyobudamano tsing'ano tsyosi ki veye liyanza ubutugi: bwa valala vivika mu likayirwa va goti kandi va twuli ku lisuuvira, kandi nokwetumita avene nobusaliri bunyingi.