Kohelethu 5:1 - KITABU KITAKATIFU

¹ U linde kirenge kikyo lwa u tsitsanga mu inyumba ya Nyasaye; kigira kwisunda ku lihulira nobugasu kuvita vihaanwa vya vasiru: kigira si va manya va kola budamano.

Kohelethu 5:1 ပူးပေါင်းရင်းမြစ်များ

2 Kyetsinyinga 26:16

Navutswa lwa ya mala kunyola tsingulu, mwoyo gwigwe gweginga, na a kola ubudamano, nokuhyola ku Yahova Nyasaye wewe; kigira yingira mu litempeli lya Yahova a duke ku vuyidza ku bwali bwokuvuyidza vimuli.

Ayubu 11:2

Bunyingi bwa makuva yibu si bu tivulirwa? Na musatsa wizula makuva, ga mu dukira kuvolwa a veye mulungi?

Ayubu 22:12

Nyasaye si a veye migulu? Kandi henza, ubutambi bwetsing'ering'ani kuli tsi veye igulu

Zaburi 89:7

Nyasaye welitihidza mu livugana lyavatakatifu, Nokutibwa kuvita yavo vosi ava mu kumbiridza?

Kutwula 3:5

Naye ya vola, U tesunda hano mba: navula vilatu vivyo mu virenge vivyo, kigira ha u singiranga ha veye hatakatifu.

Kutwula 30:18

U la lomba lwero lwomugasa, kandi bwikaliru bwalwo bwomugasa, hokwisinga. Na u la lu vika hagati helihema lyokuvuganira mu na ubwali, na u la vika mu amadzi.

Tsing'ano 10:19

Mu bunyingi bwamakuva si ga vula kuva mu mahyolo Navutswa uyu u gayanga minwa gyigye, a veye wobugeeri.

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 21:27

Kihaanwa kyomudamano ki veye livihiriridza: Nasindi, lwa a ki letanga nomwoyo mudamano

Isaya 66:3

Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Vikolwa 10:33

Nonoho nda tuma avandu ku ive; na ive u koli bulahi udzi. Kalunu kwinye kwosi ku veye hano imbiri wa Nyasaye, kuhulira gosi go Mwami a ku laga.

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

1 Vakorintho 11:22

Kigira ki? Si mu veye netsinyumba tsyenyu kulia mu nokunwa? Naho mu leganga livugana lya Nyasaye, nokulegannya ava ta li nekindu? Kunangwa mmu volera ndi? Nzidzominya mwinye? Ku yaga si nzidzominya mwinye mba.

Vahebraina 10:26

Kigira ni ku va ni ku kola ubwoni ne litovola inyima wa ku vuguye limanya lyageligali, si ha tigala kisyuviriru kyobwoni,

Yakobo 1:19

Avamitu avayanze, mu manya likuva yili. Navutswa mundu sa mulala a ve mwangu kuhulira, nomwihuliridzi ku livola, mwikudziri ku butima:

Joshua 5:15

No munene welihe lya Yahova ya volera Joshua, Twulidza kilatu kikyo ku kirenge kikyo; kigira ha u singive ha veye hatakatifu. Na Joshua ya kola ndiyo.