Kohelethu 3:7 - KITABU KITAKATIFU

⁷ inyinga yokutandula, nenyinga yokunava; inyinga yoku kiring'ana, nenyinga yokumuloma;

Kohelethu 3:7 ပူးပေါင်းရင်းမြစ်များ

Litanga 37:29

Na Rubeni yirana ha bogo; na henza, Yosefa si ya li mu bogo; naye ya tandula tsingubo tsitsye.

Litanga 37:34

Na Yakobo ya tandula tsingubo tsitsye ni yeboha magunia ku kikengo kikye na a syomera mwana wewe madiku manyingi.

Litanga 44:18

Hene yaho Yuda yisunda himbi kuye, na a vola, O mwami wange, Nku goonya u ndeke inze mutumekiri wowo, mbole likuva mu amatu gomwami wange, na ubutima bwubwo bu ta duka ku mutugwa wowo; kigira ive u veye kuli Farao.

Litanga 44:34

Kigira inze nyala ndi kutsia ku dada wange, na mwana na a ta li halala ninze? Gase nda lola ubudamano bu la duka ku dada wange.

2 Samweli 1:11

Hene yaho Daudi ya gumira tsingubo tsitsye na a tsi tandula; navandu vosi ava li halala naye va kola ndiyo:

2 Samweli 3:31

Na Daudi ya volera Joabu, navandu vosi ava li halala naye, Tandula tsingubo tsyenyu, mwevika tsingubo tsyamagunia, nokusyomera Abineri. Mwami Daudi ya londa ludiigi.

1 Avami 21:27

Na ga duka, lwa Ahabu ya hulira makuva yaga, hene yaho ya tandula tsingubo tsitsye, ni yivika ingubo yeligunia ku mubiri gwigwe, na a honga lilia, nokugona ku ma gunia, nokugenda galaha.

2 Avami 18:36

Nnvutswa avandu yavo va kiring'ana, si va mu tivulira kindu mba; kigira lilaga lyomwami lya li, na a volanga, Mu ta mu tivulira mba.

2 Avami 5:7

Ga duka, lwa mwami wa Israeli ya soma ibaruwa zana, hene yaho ya tandula tsingubo tsitsye, na a vola, Inze, mbeye Nyasaye, kwiita nokusimugukidza, mundu uyu a lete ku inze, mbonnye mundu ubugere bwibwe? Navutswa mu manye, mwadza, mu lole kuli uyu wenyanga lihangala ku inze.

2 Avami 6:30

Na ga duka, lwa mwami ya hulira makuva gomukali uyu, ya tandula tsingubo tsitsye (ya li na a vitanga ku lidigi lyolugaga igulu); avandu va mu lola, na henza, ya li netsingubo tsyamagunia ku mubiri gwigwe.

Esther 7:4

kigira ku gulangwa, inze na avandu vange, kwononywa, nokwiitwa, nokudiva. Navutswa ni ku va ni ku gulwa kuva avatugwa avasatsa navakali, nda kiring'ana, kali uyu musigu nkano si ya nyala kutunga lyoneka lyomwami a la nyola.

Ayubu 2:13

Ma vikala hasi halala naye mibasu gyitano na gyiviri, nobudiku bwagyo na si ha li nomulala wa mbolera likuva kali lilala: kigira va lola livererera lilye lya li linene.

Zaburi 39:2

Nda li ni mbula kuvola, nda kiring'ana, kali ku bulahi; Na liverera lyange lya vukidzwa.

Kohelethu 3:6

inyinga yelyenya, nenyinga yeligotidza; inyinga yelivika, ne inyinga yokuta;

Isaya 36:21

Navutswa yavo va kiring'ana, si va mu tivulira kindu kali kilala mba; kigira lilaga lyomwami lya vola, Mu ta mu tivulira kindu.

Jeremia 36:24

Navo si va tia mba, kinga kutandula tsingubo tsyavo, mwami, kinga mulala ku avatumekiri veve ava hulira makuva yaga gosi.

Jeremia 8:14

Kigira ki kwikala makiriri? Mu vugane, na kwinye kwingire mu madala getsingaga, ku kiring'ane yo: kigira Yahova Nyasaye wetu u mali kukukiring'annya, nokukuha amadzi ge indulwe kunwe, kigira ku koleye Yahova ubwoni.

Lisyoma lya Jeremia 3:28

Yikale yeng'ine nokukiring'ana kigira u viki kuye inkuva yiyi.

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Amosi 5:13

Kunangwa u ve neliganagana a la kiring'ana inyinga kuli yiyi; kigira i veye inyinga indamano.

Amosi 8:3

Na tsinyimbu tsyelitempeli tsi la va tsikwili mu lidiku lilyo, Mwami Yahova a vola: mibiri mikudzu gyi la va minyingi; va la gyi ta hosi makiriri.

Mika 7:5

Mu ta suuvira avalina; mu ta suuvira mwimiriri; u linde minwa gyomunwa gugwo mukali u gonanga mu kiritu kikyo a vule kumanya.

Vikolwa 4:20

kigira kwinye si ku nyala kuleka kuvola vindu vya kwa lola nevya kwa hulira.

Vikolwa 9:39

Petro ya twula na a va londa. Kandi lwa ya duka, va nina naye mu inyllmba igulu: navakunzakali vosi va singira naye ni va lira ni va mu mannya amakoti, netsingubo tsya Dorkasi ya nava lwa ya li halala navo.

1 Samweli 10:16

Na Saulo ya volera dada wewe muke, Ya ku volera habulavu, Tsisukiri tsi mali kunyoleka. Navutswa ku makuva gobwami, aga Samweli ya mu volera, si ya ga vola mba.