Kohelethu 3:22 - KITABU KITAKATIFU

²² Kunangwakigira yaga ndola si ha veye nekilahi kuvita, kuli mundu a sangalira mmiyinzi gyigye; kigira nikyo kidieli kikye: kigira ni bwaha u mu leta kandi a duke kulola aga va ho inyima wewe?

Kohelethu 3:22 ပူးပေါင်းရင်းမြစ်များ

Ayubu 14:21

Avana veve vayai va duka kwidzominywa, naye si a manya; Kandi va gehidzangwa, navutswa uyu si a manya yaga mba.

Kohelethu 10:14

Musiru a medanga ma kuva: navutswa mundu si a manya aga li va; na ga li va lwenyima, ni bwaha u nyala kumuvolera?

Kohelethu 11:9

O musoleli, sangala, mu busoleli bubwo, nomwoyo gugwo gu ku sangalidze mu madiku gobusoleli bubwo, na u gende mu tsinzira tsyomwoyo gugwo, nomu lilola lyetsimoni tsitsyo: navutswa u manye Nyasaye a la ku vika mu likalagirwa kigira vindu yivi vyosi.

Kohelethu 2:18

Na nda dunyira likola lyange lyosi lya nda kola isi weliuva, kigira nda lola ga ndukira ndekere mundu u li londa inyima wange.

Kohelethu 2:24

Si ha veye nobulahi ku mundu kuvita yaga, a lie kandi a nwe, noku sangalidza mwoyo gwigwe mu bulahi, mu lididikana lilye. Kandi nda lola yaga ga twula mukono gwa Nyasaye.

Kohelethu 6:12

Kigira ni bwaha u manya ni kindu ki ki konya mundu mu limenya lilye, madiku gosi gelimenya lilye lya vutswa ga a menyanga kuli kiriri vutswa? Kigira ni bwaha u nyala kuvolera mundu makuva ga li mu londa inyima isi weliuva?

Kohelethu 7:14

Mu lidiku lyokugasidzwa u sangale, nomu lidiku lyekivi u ganagane: yee, Nyasaye ya lomba kilala kulindana ne kindi, kuduka mundu a vule kumanya ki li duka inyima wewe.

Kohelethu 8:15

Ma nzidzominya ubusangali, kigira mundu si a veye nekindu kilahi isi weliuva, kuvita kulia, nokunwa, nokusangala: kandi yaga ga la menya halala naye mu lididikana lilye madiku gosi gelivamwoyo lilye ga Nyasaye ya mu ha isi weliuva.

Kohelethu 8:7

kigira si a manya aga li va inyima; kigira ni bwaha u nyala kumuvolera kuli ga li va?

Kohelethu 9:12

Kigira mundu si a manyanga inyinga yeye: kuli tsisudzi tsi hambangwa mu muluvo mudamano, kandi kuli amanyonyi ga hambangwa mu vuginga, ni ndiyo avana vavandu va hambangwa nemitego mu tsinyinga tsindamano, lwa inkuva i va gwira nonoho.

Kohelethu 9:6

Ubuyanzi bwavo kuli lidunya lyavo, na likendeka lyavo, yivi vyosi vya gota kale; kandi si va veye nekidieli mihiga nemihiga mu kindu kali kilala ki kolangwa isi weliuva.

Danyeli 12:13

Navutswa ive u tsie kuduka ku inyinga yekiheri ki li va ho; kigira ive u la sosa nokusingira mu bugono bubwo, ku kiheri kyamadiku yago.

Matayo 6:34

Kunangwa mu ta henda mwoyo ku mugamba gundi: kigira mugamba gu la henda mwoyo namakuva gagwo. Ubudamano bwelidiku bu dukana nelidiku lyene.

Kwidzulitsa 12:18

navutswa u la vi liira imbiri wa Yahova Nyasaye wowo ha Yahova Nyasaye wowo a la tovola, ive, navayai vovo, navakana vovo, navatugwa vovo vayai, navakana, no Mulevi u veye mu viribwa vivyo: u la va u sangale imbiri wa Yahova Nyasaye wowo mu vyosi vya u vika ku mukono gugwo.

Kwidzulitsa 12:7

mu liire ha zana imbiri wa Yahova Nyasaye wenyu, nokusangala mu gosi aga mu vika ku makono genyu, mwinye navenyumba yenyu, ava Yahova Nyasaye wowo ya ku gasidzira.

Kwidzulitsa 28:47

Kigira wa vula kutumekira Yahova Nyasaye wowo nobuyanzi, nobusangali bwomwoyo, kigira ubunyingi bwevindu vyosi: