Kohelethu 3:19 - KITABU KITAKATIFU

¹⁹ Ki gira vindu yivi vyavana vavandu va nyolanga, tsinyama kandi tsi vi nyolanga: kindu kilala ki va nyolanga: kuli mulala a kudzanga, na yindi kandi i kudzanga ndiyo; yee, vyosi vi veye nomwika mulala; nomundu si a veye nekindu kuvita tsinyama kigira gosi na ga vutswa.

Kohelethu 3:19 ပူးပေါင်းရင်းမြစ်များ

2 Samweli 14:14

Kigira ga dukira kwinye ku kudza, na ku veye kuli madzi ga sunduka ku marova, aga ta nyalika kudolwa kandi; na Nyasaye si ya twulidza livamwoyo, navutswa ya lomba inzira, wa kungwa a vule kuva wa tebwa kutwula kuye.

Zaburi 104:29

U visa mmoni mumwo, vi dambi dzangwa U twulidza myika gyavyo, na vikudza, Na vi gwa kandi ulugukyi lwavyo.

Zaburi 49:12

Navutswa mundu welidzominywa si a menya mihiga gyosi: A veye kuli tsinyama tsi divanga.

Zaburi 49:13

Inzira yavo yiyi i veye ubusiru bwavo: Navutswa inyima wavo avandu va bugirira livola lyavo. [Selaha

Zaburi 49:20

Mundu u veye mu lidzominywa na a vula kumanya, A veye kuli tsinyama tsi divanga.

Kohelethu 1:14

Mmali kulola miyinzi gyosi gyi kolangwa isi weliuva; na, henza, vyosi ni vya vutswa, nokudidikana ku imbuudza.

Kohelethu 1:17

Nda vika mwoyo gwange ku limanya ubugeeri, nokumanya ubulalu nobusiru kuli vi veye: na nda lola miyinzi yigyo gyi veye kudidikanira imbuudza.

Kohelethu 2:14

Tsimoni tsya uyu wobugeeri tsi veye mmutwe gwigwe, nomusiru a tsitsanga mu kisundi: halala na yaga nda lola inkuva indala i gwiranga vosi halala.

Kohelethu 2:16

Kigira si ha veye nokwidzulitswa mihiga nemi higa ku mugeeri, kuli musiru; kigira mu madiku gadzanga, yaga va la va ni va mali kwivirirwa. Nowobugeeri akudzaga ndi, ni halala kuli musiru

Kohelethu 7:2

Nobulahi kutsia ku inyumba ya va syomanga mu, kuvita kutsia ku ya va litsanga mu lisavo: kigira ni kyekiheri kyavandu vosi, uyu u veye mwoyo a la ganagana mmwoyo gwigwe.

Kohelethu 9:12

Kigira mundu si a manyanga inyinga yeye: kuli tsisudzi tsi hambangwa mu muluvo mudamano, kandi kuli amanyonyi ga hambangwa mu vuginga, ni ndiyo avana vavandu va hambangwa nemitego mu tsinyinga tsindamano, lwa inkuva i va gwira nonoho.

Kohelethu 9:2

Vindu vyosi vi duka ku vosi kuleng'ana: kindu kilala ki dukanga ku wobulungi noku mudamano; ku mulahi noku musiyeku noku uyu u ta li musiyeku; ku uyu u haananga kihaanwa noku uyu u ta haana kihaanwa; kuli mulahi a veye kandi wobwoni a veye ndiyo; uyu u suhanga a leng'ana kuli uyu u tidzanga lisuha.

Livalidza 16:29

Avandu yava ni va va ni va kudza likudza lya kazozo lya avandu, kinga ni va kolerwa kuli avandu vosi va kolerangwa; ga la va ni ga veye Yahova si a ntumi mba.