Kohelethu 3:17 - KITABU KITAKATIFU

¹⁷ Nda vola mu i mwoyo gwange, Nyasaye a la kalagira avalungi navadamano halala; kigira i veye ho inyinga ku likola sa lilala noku muyinzi sa mulala.

Kohelethu 3:17 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Zaburi 96:13

Imbiri wa Yahova; kigira yadzanga, Kigira yadzanga kukalagira lirova. A la kalagira avelirova nobulungi, Na avetsihiri na ageligali gege.

Zaburi 98:9

Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.

Kohelethu 1:16

Nda volerana nomwoyo gwange, ni mbola, Henza, nzinyoleye ubugeeri bunyingi kuvita vosi a vimira imbiri wange ha Yerusalemi; yee, mwoyo gwange gu henzeridze ligali mu bugeeri nelimanya.

Kohelethu 11:9

O musoleli, sangala, mu busoleli bubwo, nomwoyo gugwo gu ku sangalidze mu madiku gobusoleli bubwo, na u gende mu tsinzira tsyomwoyo gugwo, nomu lilola lyetsimoni tsitsyo: navutswa u manye Nyasaye a la ku vika mu likalagirwa kigira vindu yivi vyosi.

Kohelethu 12:14

Kigira Nyasaye a la leta miyinzi sa mulala kukalagirwa halala nelikuva sa lilala lya viswa, ni li veye lilahi, ni li veye lidamano.

Kohelethu 2:1

Nda vola mu mwoyo gwange, Kalunu hamba, nda geridza ive nelisangala: kunangwa u lole ubusangali: kandi, henza, yaga kandi ga li ga vutswa.

Kohelethu 3:1

Kigira ku vyosi sa kilala ki veye nenyinga yakyo, nelikola lyosi isi weligulu li veye nenyinga yalyo:

Kohelethu 8:6

kigira ku vindu vyosi inyinga nelikalaga li veye ho; kigira kivi kyomundu nekiliduhu kuye:

Danyeli 11:40

Kandi inyinga yekiheri mwami wa kusini a la hing'ana naye; na mwami wa kasikasini a la mu twulira kuli kihuudzudzi halala namagari gobulwani, navasikari vokunina ku tsiparasi, nobwato bunyingi; naye a lingira mu vivala yevyo, nokusalama, nokuvita hagati.

Danyeli 12:4

Navutswa ive Danyeli, u kunike amakuva yaga nokuvika muhuri ku kitabu, kali kuduka ku inyinga ye kiheri: avanyingi va la nyagula yiyi na yiyi, na limanya li la medeka.

Danyeli 12:9

Naye ya vola, Danyeli, u tsie; kigira makuva ga kunikeywi nokuvikwa muhuri kuduka inyinga yekiheri.

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Yohana 5:22

Kigira Dada si a kalagira mundu, navutswa u mali kuha Mwana likalaga lyosi;

Vikolwa 1:7

Ya va volera, Si tsi li tsyenyu kumanya tsinyinga nemihiga gya Dada ya laga mu tsingulu tsitsye.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

1 Vatesalonike 5:1

Navutswa ku makuva getsinyinga nagemihiga, avamitu, si mu veye nelyenya kung'oderwa likuva.

Likunula 11:18

Kandi tsihiri tsya li nobutima, kandi ubutima bubwo bwa duka, kandi inyinga yavakudzu va kalagirwa, kandi inyinga yavatugwa vovo avaprofeti va hebwa amadanyi gavo, navatakatifu, navatidzanga lieta lilvo, avakekeke navanene; nokudividza avadividza lirova.

Likunula 20:2

Kandi ya gumira guyoka, inzoka ya kale, ogu veye Ibilisi, Setani, na a mu boha mihiga elfu,