Kohelethu 3:14 - KITABU KITAKATIFU

¹⁴ Inze manya, vindu sa kilala kya Nyasaye a kolanga, ki la va kyemihiga nemihiga: kukimeda si ga nyalika, kinga kukigehidza; Nyasaye a gi koli, avandu va tie imbiri wewe.

Kohelethu 3:14 ပူးပေါင်းရင်းမြစ်များ

2 Samweli 22:31

Nyasaye uyu inzira yeye i veye indukiru: Livola lya Yahova li loleywi kuva lilungi A veye ingavo ya vosi avivisa muye.

Zaburi 33:11

Litovola lya Yahova li singiranga mihiga nemihiga, Tsiganagani tsyomwoyo gwigwe tsi duka ku visukululwi vyosi.

Zaburi 64:9

Na avandu vosi va la tia; Na va la landidza likola lya Nyasaye, Na va gananaga nobugeeri miyinzi gyigye.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Tsing'ano 19:21

Liganagana linyingi li veye ho mu mwoyo gwomundu; Navutswa livola lya Yahova, yili li la singira.

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Tsing'ano 30:6

U ta meda ku makuva gege, Gase a la ku gondokera, na u la loleka kuva mbehi.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Kohelethu 5:6

U ta leka munwa gugwo kwikigitalidza mubiri; kandi u ta vola imbiri wengelosi, nda li kuhyola: kigira ki Nyasaye a vihirirwa mwoyo gugwo, nokudividza miyinzi gyamakono gogo?

Kohelethu 5:7

Kigira ku bunyingi bwamaloto ga veye ga vutswa, na mmakuva manyingi: navutswa ive u tie Nyasaye.

Kohelethu 7:18

Nobu lahi u gumire likuva yili; yee, u ta twulidza mukono gugwo ku likuva yili: kigira uyu u tidzanga Nyasaye a la twula mu yaga gosi.

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Danyeli 8:8

Na ikole yenenehidza ligali: kandi inyinga ya duka kuva netsingulu, ulwiga lunene lwa vunannywa; na tsinziga tsine tsyobukumi tsya mera mu bugono bwalwo, na tsi henza ku tsimbuudza tsine tsyomigulu.

Vikolwa 2:23

uyu wa hebwa nelitovola nelisaavira lya Nyasaye lya ya manya imbiri, mwinye mwa mbamba ni mu mwiita namakono gavandu vekirage:

Vikolwa 4:28

Ku vyosi va kole vyosi vyomukono gugwo nobulaliri bubwo bwa saavira vi kolwe.

Vikolwa 5:39

navutswa ni gyi va gya Nyasaye, mwinye si mu li nyala kuvaguuta; gase mu la nyolwa mu lwana na Nyasaye.

Varumi 11:36

Kigira vindu vyosi vya twula muye, ni vidzira kuye; kandi virana kuye. A ve nobukum; mihiga nemi higa. Amini.

Vafeso 3:11

Yili li veye kuli ubulaliri bwemihiga nemihiga bwa ya lalira mu Kristo Yesu Mwami wetu:

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Tito 1:2

mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.