Kohelethu 3:11 - KITABU KITAKATIFU

¹¹ Ya lomba vindu sa kilala kuva kilahi ku inyinga yakyo: kandi ya vika limanya lyemihiga nemihiga mmyoyo gyavo, navutswa ni ndiyo mundu si a nyala kuvangula miyinzi gwa Nyasaye a koli kutwula mu litanga kuduka mu kiheri.

Kohelethu 3:11 ပူးပေါင်းရင်းမြစ်များ

Litanga 1:31

Na Nyasaye ya lola vindu vyosi vya ya li hulomba, na henza, vya li vilahi ligali. Na gwa li mgolova na gwa li muvamba, lidiku lya gatano nelilala.

Ayubu 11:7

Ive u nyala kunyola Nyasaye nelidera? U nyala kunyola Wanyala Vyosi kali ubudukira bwbwe?

Ayubu 37:23

Ku makuw ga Wanyala Vyosi, si ku nyala kumidera: A veye munene mu tsingulu; Nomu likalaga nobunyingi bwobulungi a la vula kudambidza.

Ayubu 5:9

Uyu u kolanga vindu vinene vi ta manyekana, Vindu vyokugenya vi ta valika:

Zaburi 104:24

O Yahova, igirikunu miyinzi gyi gyo Yigyi gyosi wa gvi kola nobugeeri: Lirova lizuye ubuhinda bubwo.

Tsing'ano 16:4

Yahova u koli vindu vyosi ku bulaliri bwibwe Yee, kali avadamano ku lidiku lyobudamano.

Kohelethu 1:13

Na nda vika mwoyo gwange kwenya nokuvangula nobugeeri mu vyosi vi kolangwa isi womigulu: li veye linyankana linene lya Nyasaye ya ha avana vavandu kunyankana kulyo.

Kohelethu 11:5

Kuli ive si u manya inzira yembuudza ni i li ha, kandi si u manya kuli liviruka lyevigumba mmunda mwomukali u veye inda; kandi ndiyo si u manyi miyinzi gya Nyasaye u kolanga vindu vyosi.

Kohelethu 7:13

Mu ganagana ligali mi yinzi gya Nyasaye: kigira ni bwaha u nyala kulungikidza kindu kya ya lomba bukyamu?

Kohelethu 7:23

Vindu yivi vyosi mmali kuvihenzeridza mu bugeeri: nda vola, Inze nda va nobugeeri; navutswa bwa li ihale ninze.

Kohelethu 7:29

Henza ndoli likuva yili; Nyasaye ya lomba mundu mulungi; navutswa venyanga vya va visaavira vinyingi.

Kohelethu 8:17

hene yaho nda lola miyinzi gyosi gya Nyasaye, kuli mundu si a nyala kuvagala miyinzi gyi kolangwa isi weliuva: kigira mundu kali ni yenya nokuguluhidza kugyivagala, si a gyi lola mba; yee, kandi kali mundu wobugeeri a ganagana kumanya navutswa si a nyala kugyilola mba.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 13:22

Na uyu wa midzwa mmafwa, uyu niye u hulira likuva, navutswa madidikano gekivala, nobugadi bwobutugi, bu kunika likuva, naye a vula kwama.

Marko 7:37

Va genya munonono kuvita ni va vola, U koli vindu vyosi bulahi; u koli kali ava hana amatu va hulire, nava yovoya va vole.

Varumi 1:28

Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana.

Varumi 11:33

O ubunyingi bwobutugi bwobugeeri no bwelimanya bwa Nyasaye likalaga lilye li vula kumanyekana ndi, kandi tsinzira tsitsye tsi vula kunyoleka ndi

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.