Kohelethu 2:8 - KITABU KITAKATIFU

⁸ kandi ndevungidzira ifetha nethahabu, nemiyandu gyobwami na gyevivala vya ihale na ihale; ndenyolira avandu avasatsa avokwimba navakali avokwimba, nelyesyaha lyavana vavandu, nobukana bwetsinyimbu tsyetsingano tsyosi.

Kohelethu 2:8 ပူးပေါင်းရင်းမြစ်များ

2 Samweli 19:35

Lero mbeye mihiga makumi gatano na gavaka: na nyala kwavukanya malahi na madamano? Inze mutumekiri wowo nyala kuhulira ubunolu bwa nditsanga kinga bwa nwedzanga? Nyala kuhulira myoyo gyavasatsa vimbanga navakali vimbanga? Kunangwa inze mutumekiri wowo nduke kuva musigo gwokumina munene wange mwami, kigira ki?

1 Avami 10:10

Naye ya ha mwami tsitalenta mia namakumi gaviri tsyethahabu, neviseve vyevifunyanga mwayu vinyingi ligali na magina gobuguli budinyu: vya vula kuletwa kandi ubunyingi bwe vifunyanga mwayu ku lugano yilwo kuli ku vyo mwami wekikali wa Sheba ya ha mwami Solomoni.

1 Avami 10:14

Buliduhu bwethahabu ya duka ku Solomoni mmuhiga mulala bwa li tsitalenta tsyethahabu tsimia tsitano na indala na makumi gatano na lilala netsisuvi tsitano na indala,

1 Avami 10:21

Neviju vyosi vya Solomoni ya nwera ku vya li vyethahabu inzere, neviju vyosi vyenyumba yomulitu ya Lebanon vya li vyethahabu inzere: si vya li vyefetha kali kilala; ifetha si ya loleka kuva kindu mmadiku ga Solomoni mba.

1 Avami 11:3

Na ya li navakali tsimia tsitano na tsiviri, avakana vavami, na vasuria tsimia tsivaka; na vakali veve va girunkannya mwoyo gwigwe.

1 Avami 14:27

Mwami Re hoboam ya lomba tsingavo tsyomugasa mbugono bweyitsi, na ya tsi vika mmakono gavanene vavalindi, ava lindanga kiliango kyenyumba yomwami.

1 Avami 9:14

Na Hiram ya hilira mwami tsitalenta tsyethahabu mia namakumi gaviri.

1 Avami 9:28

Na va duka Ofiru, ni va leta ithahabu kutwula mu kivala yikyo, tsitalenta tsimia tsine na makumi gaviri, ni va letera mwami Solomoni.

1 Kyetsinyinga 25:1

Halala na yaga Daudi nava nyampara velihe va hula ava ndu valala ku avana va Asafu, na va Heman, na va Jeduthun, va ve ku ubutumwa bwokuprofeta nobukana bwemigoye nobukana, nevikuli: na livalidzwa iya yava ava kola miyinzi kuli ubutumwa bwavo lya li yili:

1 Kyetsinyinga 25:6

Yavo vosi va li isi wa makono ga dada wavo kwimba mu inyumba ya Yahova, nevikule, nobukana, nobukana bwe migoye, mu ubutumiki bwenyumba ya Nyasaye; Asafu, na Jeduthun, na Heman, va li isi welilaga lyomwami.

2 Kyetsinyinga 9:11

Mwami ya lombera misa ndali zana vikaa vyenyumba ya Yahova, na vyenyumha yomwami nobukana bwemigoye, nobukana bwa yavo avimbanga: kali si vya loleka kuli yivi mu kivala kya Buyuda.

Ezara 2:65

halala navatumekiri vavo vasatsa na vakali, navo va li avandu tsielfu tsitano na tsiviri netsimia tsivaka na makumi gavaka na vatano na vaviri: na va li na avokwimba avasatsa navakali tsimia tsiviri.

Kohelethu 1:2

Vi veye vutswa vya vutswa, Mwilwadzi a vola; vutswa vya vutswa, vindu vyosi vi veye vya vutswa.

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 3:5

inyinga mu hulira mwoyo gwekisiliva, nogwelilere, nogwelidienyi, nogwekinangoli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusi gamira kifwananyi kyethahabu kyomwami Nebukadinezaru ya singeridza;

Danyeli 3:7

Kunangwa inyinga yeyo, avandu vosi lwa va hulira mwoyo gwekisiliva, nogwelilere, nogwelidieyi, nogwekinangoli, nogwobukana, no gwetsing'ano tsyosi tsyevikupangwa avandu vosi, na tsihiri, na tsinimi tsyosi, va gwa hasi, ni va sigamira kifwananyi kyethahabu kya Nebukadinezaru mwami ya singeridza.

Amosi 6:5

na vimba tsinyimbu tsya vutswa, halala nemyo yo gyobukana; na vekongera avene ubukana lugano lugano kuli wa Daudi ya kola;