Kohelethu 2:26 - KITABU KITAKATIFU

²⁶ Kigira Nya saye a hedzanga umundu wa a yanza ubugeeri, nelimanya, nelisangala; navutswa a hedzanga wobwoni, linyankana, kuvungidza nokumeda, a duke kuha wa Nyasaye a yanza. Yaga kandi na ga vutswa, nokudidi kana ku imbuudza.

Kohelethu 2:26 ပူးပေါင်းရင်းမြစ်များ

Litanga 7:1

Kandi Yahova ya volera Nuhu, Hamba, wingire mu liatu, ive navenyumba yoyo vosi; kigira ndoli ive u veye mulungi imbiri wange mu likula yili.

Ayubu 32:8

Navutswa mwoyo gu veye mu mundu, Na miyika gya Wanyala Vyosi gyi va hedzanga limanya.

Ayubu 38:36

Ni bwaha wa vika ubugeeri mugati? Kinga ni bwaha wa ha tsiganagani limanya?

Zaburi 39:6

Ligali sa mulala a gendanga na a veye kiriri vutswa; Ligali va henda mwoyo vutswa: A vungidzanga ubutugi na si a manya ibwaha a la bu vugula.

Zaburi 51:6

Henza, ive u yanzidzwa na ageligali mugati mwevivero vyange; Na mu vivero viviseywi u la nzegidza ubugeeri.

Tsing'ano 13:22

Mundu mulahi a lekera avisukulu veve miyandu; Na ubutugi bwomwoni bu vikeywi avalungi.

Tsing'ano 2:6

Kigira Yahova a haananga ubugeeri; Limanya na limanyeridza ri twulanga ku munwa gwigwe.

Tsing'ano 28:8

Uyu u medznga ubutugi bwibwe ku vyambeti na limedeka li ta li lilungi, A bu vungidzanga bu ve bwa uyu u verereranga avadaka.

Kohelethu 1:13

Na nda vika mwoyo gwange kwenya nokuvangula nobugeeri mu vyosi vi kolangwa isi womigulu: li veye linyankana linene lya Nyasaye ya ha avana vavandu kunyankana kulyo.

Kohelethu 1:14

Mmali kulola miyinzi gyosi gyi kolangwa isi weliuva; na, henza, vyosi ni vya vutswa, nokudidikana ku imbuudza.

Kohelethu 2:25

Kigira ni bwaha u nyala kulia, kandi ni bwaha u nyala kwesangalidza, kuvita inze?

Kohelethu 3:10

Inze mmali kulola linyakana lya Nyasaye ya ha avana vavandu kunyankana mu.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Yohana 16:24

Kuduka kalunu mu kikiri kusaala kindu ku lieta lyange: mu saale, mu la hebwa, ubuyanzi bwenyu bu duke kudukidzwa.

Yakobo 3:17

Navutswa ubugeeri bu twulanga igulu, mu litanga bu veye buniiu, nobwemirembe, nobwobuhokya, nobwobuhuliridzi, nobwezuye tsimbabasi na makuyu malahi, obu ta li nelyahulannya, obu ta li nobugadi.