Kohelethu 2:24 - KITABU KITAKATIFU

²⁴ Si ha veye nobulahi ku mundu kuvita yaga, a lie kandi a nwe, noku sangalidza mwoyo gwigwe mu bulahi, mu lididikana lilye. Kandi nda lola yaga ga twula mukono gwa Nyasaye.

Kohelethu 2:24 ပူးပေါင်းရင်းမြစ်များ

1 Avami 4:20

Yuda na Israeli va veye ava nyingi ligali kuli muyeke gu veye ku luginga lwenyanza ku bunyingi bwavo, va lia ni va nwa na va sangala.

Nehemia 8:10

Hene yaho ya va volera Mu tsie, mu lie kyenetu, munwe kinolu, na mu hile vidieli ku uyu wa vula kusundirwa kindu; kigira lidiku lya lero yili li veye lidiku litakatifu ku Yahova wetu: kandi mu ta vererera mba, kigira ubusangali bwa Ya hova bu veye tsingulu tsyenyu.

Kohelethu 2:10

Na ku vyosi kya tsimoni tsyange tsya kayirwa si nda tsima kya zana mba; si nda gaya mwoyo gwange mu busangali mba; kigira mwoyo gwange gwa li ni gu sangalira linyankana lyange lyosi; na yiki kya li kidieli kyange mu linya nkana lyange lyosi.

Kohelethu 2:25

Kigira ni bwaha u nyala kulia, kandi ni bwaha u nyala kwesangalidza, kuvita inze?

Kohelethu 2:3

Nda henzeridza mu mwoyo gwange kuli nnyala kusangalidza mubiri gwange na iwaini, nomwoyo gwange gwa li ni gu nyimirira nobugeeri, kandi kuli ng'umiri ubusiru, nduhe ndole ni kindu ki ki konya avana vavandu va duka kugikola isi weligulu amadiku gosi gelimenya lyavo.

Kohelethu 3:22

Kunangwakigira yaga ndola si ha veye nekilahi kuvita, kuli mundu a sangalira mmiyinzi gyigye; kigira nikyo kidieli kikye: kigira ni bwaha u mu leta kandi a duke kulola aga va ho inyima wewe?

Kohelethu 5:17

Madiku gege gosi a litsanga mu kisundi, na a vereranga ligali, nokunyola ubulwaye nobudunyi.

Kohelethu 6:12

Kigira ni bwaha u manya ni kindu ki ki konya mundu mu limenya lilye, madiku gosi gelimenya lilye lya vutswa ga a menyanga kuli kiriri vutswa? Kigira ni bwaha u nyala kuvolera mundu makuva ga li mu londa inyima isi weliuva?

Kohelethu 6:2

mundu wa Nyasaye ya ha ubutugi nobuhinda, nelidzominywa, wa luha wa vula kugehera mu vyosi kindu kyomwoyo gwigwe gu kayirwa nakyo, navutswa Nyasaye si ya mu ha tsingulu tsyokulilia, navutswa umugeni niye a litsanga; yaga ga veye ga vutswa, kandi ga veye ubulwaye budamano.

Kohelethu 8:15

Ma nzidzominya ubusangali, kigira mundu si a veye nekindu kilahi isi weliuva, kuvita kulia, nokunwa, nokusangala: kandi yaga ga la menya halala naye mu lididikana lilye madiku gosi gelivamwoyo lilye ga Nyasaye ya mu ha isi weliuva.

Isaya 56:12

Va vola, Hambi nda leta iwaini nokulizulitsa myoyo gyetu lihambika, kandi mugamba i la va kuli lero, lidiku linene kuvita kigero.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

Vikolwa 14:17

Navutswa si veleka mwene a vule kuva nevilolekidzu, kigira ya kola bulahi, na a leta tsimbula tsyomigulu na a mu ha imihiga gyeligesa, ni yizulitsa myoyo gyenyu vyokulia nobutsantsaliki

1 Vakorintho 15:32

Ni mba ni nonda miima gyavandu ni nkupana netsinyama tsyomulitu Efeso, ga la nkonya ki? Avakudzu ni va va ni va vula kusimugukidzwa, gendi ku lie, noku nwe kigira mugamba ku la kudza.

Kwidzulitsa 12:12

Kandi mu la sangala imbiri wa Yahova Nyasaye wenyu, mwinye, navayai venyu, navakana venyu, navatugwa venyu avayai navakana, no Mulevi u veye mu viribwa vyenyu, kigira ya vula kuva nekidieli kinga nemiyandu halala nemwinye.

Kwidzulitsa 12:18

navutswa u la vi liira imbiri wa Yahova Nyasaye wowo ha Yahova Nyasaye wowo a la tovola, ive, navayai vovo, navakana vovo, navatugwa vovo vayai, navakana, no Mulevi u veye mu viribwa vivyo: u la va u sangale imbiri wa Yahova Nyasaye wowo mu vyosi vya u vika ku mukono gugwo.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;