Kohelethu 2:23 - KITABU KITAKATIFU

²³ Kigira madiku gege gosi ga veye ubuvereri vutswa, nelinyankana lilye lyosi li veye ubusaliri: yee, kali inyinga yobu diku, mwoyo gwigwe si gu nyola lisosa mba. Yaga kandi na ga vutswa.

Kohelethu 2:23 ပူးပေါင်းရင်းမြစ်များ

Litanga 3:17

Kandi ya volera Adamu Kigira ive u huliye livola lyomukaii wowo, na u liye ku musala, gwa nda ku laga, ni mbola, U ta lia kugwo: marova ga laameywi kigira ive; u la lia vyokulia vivyo mu liyinzira lidinyu madiku gosi gelimenya lilyo lyosi;

Litanga 47:9

Na Yakobo ya volera Farao, Madiku gemihiga gyeligenda lyange gyi veye mihiga mia na makumi gavaka: madiku gyemihiga gyobuhindiri bwange gyi veye mikekeke na midamano, kandi si gyi duki kuli madiku gemihiga gyobuhindiri bwa avaguga vange mu madiku geligenda lyavo.

Esther 6:1

Mu budiku yibwo mwami si ya nyola tsindolo; na ya laga kitabu kya mang'oda ga makuva getsinyinga ki letwe, nago ga somwa imbiri womwami.

Ayubu 14:1

Mundu, womukali yivula, A veye wamadiku ga gehi na yizuye kivi.

Ayubu 5:7

Navutswa mundu yivulangwa kupe kivi, Kuli tsisese tsyomuliru tsi du manga igulu.

Zaburi 127:2

Livuka lyenyu lya mabwebwe ni lya vutswa, Na lilindagira lyokutsia kugona Na lilagira ubukima bwelididi kana; Kigira ni ndiyo a haananga avayanze veve mu tsindolo.

Zaburi 32:4

Kigira mbasu nobudiku mukono gugwo gwa mmina ligali: Ubukindu bwange bwa girunkanywa kuva ubuhyu bwombasu mululu. [Selaha

Zaburi 90:15

U ku yanzidze kuli livalidza lya madiku ga wa ku kupidza kivi Na kuli mihiga gya kwa lola ubudamano.

Kohelethu 1:13

Na nda vika mwoyo gwange kwenya nokuvangula nobugeeri mu vyosi vi kolangwa isi womigulu: li veye linyankana linene lya Nyasaye ya ha avana vavandu kunyankana kulyo.

Kohelethu 1:18

Kigira mu ubugeeri bunyingi livererera li veye mu linyingi: kandi uyu u meda limanya a medanga ubusaliri.

Kohelethu 2:11

Ma nda henza miyinzi gyosi gyamakono gange ga kola, nelinyankana lyosi lya nda nyankana ku: henza, vyosi vya li vya vutswa nokudidikana ku imbuudza, kandi si ha li nekyambeti kali kilala, isi weliuva.

Kohelethu 5:12

Tsindolo tsyomuyinziri tsi veye tsinolu, na a va na a liye vikekeke naho na a liye vinyingi: navutswa lihindahala lyomutugi si li mu leka a nyole tsindola mba.

Kohelethu 5:17

Madiku gege gosi a litsanga mu kisundi, na a vereranga ligali, nokunyola ubulwaye nobudunyi.

Kohelethu 8:16

Lwa nda vika mwoyo gwange kumanya ubugeeri, nokulola amaliduhu ga kolangwa ku lirova, (kigira a veye ho u ta lolanga tsindolo ku tsimoni tsitsye ubudiku kinga mbasu),

Danyeli 6:18

Ma mwami ya tsia mu inyumba yeye yobwami, na a linda ubudiku yibu na a vula kulia, kandi vyosi vi kupangwa si vya letwa imbiri wewe mba: na tsindolo tsitsye tsya mwiruka.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.