Kohelethu 2:21 - KITABU KITAKATIFU

²¹ Kigira mundu a veye ho welididikana lilye li veye halala nobugeeri, na halala nelimanya, na nobusidza; navutswa kandi a la lekera mundu wa vula kudidikana mu, ki ve kidieli kikye. Yaga kandi ga veye ga vutswa nobudamano bunene.

Kohelethu 2:21 ပူးပေါင်းရင်းမြစ်များ

2 Kyetsinyinga 34:2

Na ya kola agobulungi mu tsimoni tsya Yahova, na ya genda mu tsinzira tsya Daudi guga wewe, si ya giru nkana kutsia ha luvega ku luvega lwomukono mulungi kinga mukono mmosi.

2 Kyetsinyinga 35:18

Si ha li neli pasaka mu Israeli kuli yili kutwula ku madiku gomprofeti Samweli, kandi si ha li mu avami va Israeli wa lomba lipasaka kuli yili lya Josia ya lomba, navasalisi, na Valevi, na Vayuda vosi na Israeli va li ho, na avamenyi mu Yerusalemi.

Zaburi 39:7

Na kalunu, Mwami, nindanga ki? Lisuuvira lyange li veye ku ive.

Zaburi 49:10

Kigira a lolanga avageeri va kudza; Musiru navo avombiri vosi halala va diva, Na va lekera avandi ubutugi bwavo.

Zaburi 49:11

Liganagana lyomu mwoyo li veye, tsinyumba tsyavo tsi la menya mihiga nemihiga, Na hokumenya havo ha la hindira kuduka ku visukululwi vyosi; Va gulika ameta gavo ku milimi gyavo avene.

Kohelethu 2:20

Kunangwa nda girunkana yiyi na yiyi nduke kutwulidza likayirwa ku mwoyo gwange mu makuva gelididikana lyange lya nda didikana mu isi weliuva.

Kohelethu 4:4

Kandi nda lola mu makuva gelididikana lyosi nomu miyinzi gyosi gyobusidza, mundu a kendekerangwa na vakye veye kigira yaga. Yaga kandi ga veye ga vutswa, nokudidikana ku imbuudza.

Kohelethu 4:8

A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

Kohelethu 9:18

Ubugeeri nobulahi kuvita vyuma vyobulwani, navutswa mwoni mulala yononyanga vilahi vinyingi.

Jeremia 22:15

Ive u lameha, kigira u hing'ana kuduka kuguuta nemitaragwa? Dada wowo si ya lia nokunwa, nokulomba likalaga nobulungi? Kunangwa bwa li ubulahi kuye.

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.