Kohelethu 2:14 - KITABU KITAKATIFU

¹⁴ Tsimoni tsya uyu wobugeeri tsi veye mmutwe gwigwe, nomusiru a tsitsanga mu kisundi: halala na yaga nda lola inkuva indala i gwiranga vosi halala.

Kohelethu 2:14 ပူးပေါင်းရင်းမြစ်များ

Zaburi 19:10

Yivi nivyo vyenyangwa kuvita ithahabu, yee, kuvita ithahabu inyingi indahi; Vi veye vinolu kuvita ubwuki, ubwuki mu masang'asa.

Zaburi 49:10

Kigira a lolanga avageeri va kudza; Musiru navo avombiri vosi halala va diva, Na va lekera avandi ubutugi bwavo.

Zaburi 49:11

Liganagana lyomu mwoyo li veye, tsinyumba tsyavo tsi la menya mihiga nemihiga, Na hokumenya havo ha la hindira kuduka ku visukululwi vyosi; Va gulika ameta gavo ku milimi gyavo avene.

Tsing'ano 14:8

Ubugeeri bwomugeeri bu veye ku mannya inzira yeye; Navutswa ubusiru bwavasiru bu veye ubugadi.

Tsing'ano 17:24

Ubugeeri bu veye imbiri wommoni mwa u veye nelimanya; Navutswa tsimoni tsyomusiru tsi veye ku kiheri kyelirova.

Kohelethu 2:16

Kigira si ha veye nokwidzulitswa mihiga nemi higa ku mugeeri, kuli musiru; kigira mu madiku gadzanga, yaga va la va ni va mali kwivirirwa. Nowobugeeri akudzaga ndi, ni halala kuli musiru

Kohelethu 3:19

Ki gira vindu yivi vyavana vavandu va nyolanga, tsinyama kandi tsi vi nyolanga: kindu kilala ki va nyolanga: kuli mulala a kudzanga, na yindi kandi i kudzanga ndiyo; yee, vyosi vi veye nomwika mulala; nomundu si a veye nekindu kuvita tsinyama kigira gosi na ga vutswa.

Kohelethu 6:6

yee, kali na a va mwoyo mihiga elfu nokumeda hali kaviri, na a vula kunyola kusangalira ubulahi, si va tsitsanga ha bugono bulala vosi?

Kohelethu 6:8

Kigira wobugeeri a veye ne vyambeti ki kuvita wobusiru? Kinga umudaka a veye na ki, u manyanga kutsia imbiri wa va veye mwoyo?

Kohelethu 7:2

Nobulahi kutsia ku inyumba ya va syomanga mu, kuvita kutsia ku ya va litsanga mu lisavo: kigira ni kyekiheri kyavandu vosi, uyu u veye mwoyo a la ganagana mmwoyo gwigwe.

Kohelethu 8:1

Ni bwaha u veye kuli wobugeeri? Kandi ni bwaha u manya kugirunkannya likuva? Ubugeeri bwomundu bu kolanga mmoni mwimwe kung'ereng'ana, nobudinyu bwommoni mwimwe bu girunkana.

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Kohelethu 9:16

Hene yaho nda vola, Ubugeeri nobulahi kuvita tsingulu halala na yaga ubugeeri bwomudaka uyu bwa legwa, na makuva gege si ga hulirangwa.

1 Yohana 2:11

Navutswa u dunyira amwavo wewe a veye mu kisundi, kandi a genda mu kisundi, kandi si a manya wa a tsitsa, kigira kisundi kya vakulidza tsimoni tsitsye.