Kohelethu 12:5 - KITABU KITAKATIFU

⁵ yee, va la tia kyegi nga, na vyokutihidza ui li va ku inzira; na mulodzi gu la lavidza vi muli, nelidede li la va musigo, na likayirwa si li veye netsingulu kandi; kigira mundu a tsitsanga yengo we limenya madiku gosi, na ava syomanga va tsitsanga yiyi na yiyi mu tsinzira:

Kohelethu 12:5 ပူးပေါင်းရင်းမြစ်များ

Litanga 42:38

Naye ya vola, Mwana wange si a la sulunguta na mwinye mba; kigira anwavo wewe u kudzi, naye u tigaye muderwa: ni i va kivi ki gwa ku uyu ku inzira ya mu tsia ku, kunangwa mwinye mu likidza tsimbudze tsyange kuduka mu kilindwa mu buvereri.

Litanga 44:29

mwinye kandi ni mu hila uyu kutwula ku inze, na ubudamano ni bu gwa kuye, mu likidza tsimbudze tsyange mu kilindwa mu ubuvereri.

Litanga 44:31

hene yaho, lwa a lola mwana si a veye halala nekwinye, a la kudza: na kwinye avatumekiri vovo ku likidzd tsimbudze tsyomutumekiri wowo dada wetu mu kilindwa nobuvereri.

Ayubu 15:10

Avetsimbudze navasakulu ligali vosi va veye halala na kwinye, Ava veye vasakulu kuvita dada wowo.

Ayubu 17:13

Ni mbenza Mung'ani kuli inyumba yange; Ni nzala kitali kyange mu kisundi

Ayubu 30:23

Kigira manya u la ndeta kuduka mu likudza Noku inyumba ya lomberwa avelivamwoyo vosi.

Zaburi 71:18

Yee, kali lwa mbeye musakulu nowetsimbudze, u ta ndeka, O Nyasaye, Nduhe mbole tsingulu tsitsyo ku kisukululwi yiki, Na ubunyali bubwo ku vosi avadzanga.

Tsing'ano 16:31

Mutwe gwetsimbudzi gu veye ne gudwa yobukumi; Ni gu va ni gu loleka ku inzira yobulungi.

Tsing'ano 20:29

Ubukumi bwa vasoleli bu veye tsingulu tsyavo; Na ubulahi bwa vasakulu bu veye mutwe gwetsimbudze.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Isaya 46:4

kali kuduka busakulu bwenyu inze niye, kali kuduka inyinga ye tsimbudzi nda mu ginga: inze nda lomba, na nda ginga; yee, nda vugula mwinye, nokumuhonnya.

Jeremia 1:11

Kandi likuva lya Yahova lya duka ku inze, kuvola, Jeremia, U lola ki? Na inze nda vola, Ndolanga lusala lwomusala gwomulodzi.

Jeremia 9:16

Nda va salannya hagati hetsihiri, tsya yavo kinga vaguga vavo va wla kumanya; nda hila kivavi ki va londe inyima wavo kuduka lwa mba dividza ligali.

Kyavalevi 19:32

U la singirira wetsimbudzi, nokwidzominya musakulu, na u la tia Nyasaye wowo: inze mbeye Yahova.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;