Kohelethu 12:2 - KITABU KITAKATIFU

² lwa liuva, nobulavu, nomweli, netsing'ereng'ani vi kikiri kumwami nywa, namalesi kwirana inyima we mbula;

Kohelethu 12:2 ပူးပေါင်းရင်းမြစ်များ

Litanga 27:1

Na ga duka, Isaka lwa ya li musakulu, na tsimoni tsitsye tsya tsengera, kuduka si ya nyala kulola, ya langa Esau mwana wewe munene, na a mu volera, Mwana wange: naye ya bugira, Mbeye hano.

Litanga 48:10

Na tsimoni tsya Israeli tsya li tsya vakula kigira busakulu bwibwe, kuduka si ya nyala kulola. Naye ya va sunda himbi kuye; na ya va busa na a va kumberera.

Zaburi 42:7

Luliva lu hanzukira luliva ku lihuma lyekihirira kikyo: Vihudzudzi vivyo na viguvuli vivyo vyosi vi vitanga ku inze.

Zaburi 71:20

Ive u ku mannyi kivi kinyingi na budamano, U la ku singeridza kandi, Nokukutwulidza kandi mu ng'ani.

Zaburi 77:16

Amadzi ga ku lola, O Nyasaye; Amadzi ga ku lola, ni ga nyola ubutii: Amadzi goluliva kandi, ga degera.

Zaburi 90:10

Madiku gemihiga gyetu ga veye mihiga makumi gatano na gaviri, Kinga ku tsingulu gyi nyala kuduka makumi gatano na gavaka; Navutswa uluyai lwagyo lu veye miyinzi na livererera vutswa; Kigira gyi vita bwangu na ku vita.

Isaya 13:10

Kigira tsing'ering'ani tsyomigulu nelihambana lyatsyo si tsi laakidza ubulavu bwatsyo mba: neliuva li la kolwa kisundi mu livaala lyalyo, nomweli gu la vula kwaakidza ubulavu bwa gwo.

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Joeli 3:15

Liuva na mweli vi koleywi kisu ndi, na tsing'ereng'ani tsi vuli kwaaka.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

1 Samweli 3:2

Na ga duka inyinga yeyo, lwa Eli ya gona mu bugono bwibwe (tsimoni tsitsye tsya li ni tsi tangi ku vakula, si a nyala kulola bulahi),

1 Samweli 4:15

Inyinga yeyo Eli ya li na a veye wemihiga makumi gatano na gane, na gyitano na gyivaka; tsimoni tsitsye tsya li tsyavakuye, si a nyala kulola.

1 Samweli 4:18

Na ga duka, lwa ya tala lisanduku lya Nyasaye, Eli ya gwa kutwula ku intebe yeye ku luvega lwemugongo himbi ku kiliango; neligoti lilye lya kalika, na ya kudza: kigira ya li musakulu ligali nomuliduhu. Naye ya li mukalagi wa Israeli mihiga makumi gane.