Kohelethu 12:1 - KITABU KITAKATIFU

¹ Widzulire Mulombi wowo mu madiku gobusoleli bubwo, madiku madamano ni ga kikiri kuduka, na mihiga kwisunda himba, gya u li vola ku makuva gagyo, si mbeye nobusangali kandi mu mihiga yigyi;

Kohelethu 12:1 ပူးပေါင်းရင်းမြစ်များ

Litanga 39:2

Kandi Yahova ya li halala na Yosefa, naye ya li wobugasu; na ya li mu inyumba yomwami wewe Muegepeti.

Litanga 39:23

Mulindi wenyumba yavahambe si ya henza kindu kali kilala, kya li mu mukono gwigwe, kigira Yahova ya li halala naye; na vyosi vya ya kola, Yahova ya vi kola vi ve nobugasu.

2 Samweli 19:35

Lero mbeye mihiga makumi gatano na gavaka: na nyala kwavukanya malahi na madamano? Inze mutumekiri wowo nyala kuhulira ubunolu bwa nditsanga kinga bwa nwedzanga? Nyala kuhulira myoyo gyavasatsa vimbanga navakali vimbanga? Kunangwa inze mutumekiri wowo nduke kuva musigo gwokumina munene wange mwami, kigira ki?

2 Samweli 19:36

Mutumekiri wowo yenya vutswa kwambuka Yordani halala nomwami: na kigira ki mwami a tunga madanyi kuli yaga?

1 Avami 14:13

Na Israeli vosi va la mu syomera, nokumuta; kigira ni uyu yeng'ine wa Jeroboam u la tebwa mu kilindwa, kigira muye kya nyoleka mu kindu kilahi kya lungika ku Yahova, Nyasaye wa Israeli, mu inyumba ya Jeroboam.

1 Avami 18:12

Na ga la duka, nonoho lwa nda tsia kutwula ku ive, Roho wa Yahova a la ku hila ha nta manya; na lwa ntsia kuvolera Ahabu, naye lwa a vula kukulola, a la nziita: navutswa inze mutumekiri wowo nda tia Yahova kutwula bwana buke.

Nehemia 4:14

Na nda henza, nokusingira, nokuvolera avanene, nava mehi, navandu vandi avatigala, Mwi nye mu ta tia yavo mba: mwidzulitse Yahova, u veye munene noweliti hidza, na mu lwanire avamwavo venyu, navana venyu, avayai na vakana, navakali venyu, netsinyumba tsyenyu.

Ayubu 30:2

Yee, tsingulu tsyamakono gavo, tsi la nkonya na ki? Avandu ave mihiga midukiru gya diva.

Zaburi 119:55

Nzidzuliye lieta lilyo, O Yahova, mbudiku, Na ng'umiye itorati yoyo.

Zaburi 34:11

Mwinye avana mudze, mu mbulire: Nda mwegidza litibwa lya Yahova.

Zaburi 63:6

Lwa ndidzulitsa ive ku kitali kyange, Na nganagananga ive inyinga yobudiku.

Zaburi 90:10

Madiku gemihiga gyetu ga veye mihiga makumi gatano na gaviri, Kinga ku tsingulu gyi nyala kuduka makumi gatano na gavaka; Navutswa uluyai lwagyo lu veye miyinzi na livererera vutswa; Kigira gyi vita bwangu na ku vita.

Tsing'ano 22:6

Wegidze umwana ku inzira i mu dukira kugenda ku, Naye lwa a li va musakulu a la vula kugileka.

Tsing'ano 8:17

Nyanzanga yavo ava yanza inze; Navo avenyanga budinyu va la nyola inze.

Kohelethu 11:10

Kunangwa u twulidze ubuvereri mu mwoyo gugwo; nobudamano u bu twulidze mu mubiri gugwo; kigira ubusoleli nobutangiru bwomundu vyosi vi veye vya vutswa.

Kohelethu 11:2

U he ava ndu vatano na vaviri vidieli vyavo, yee, kali vatano na vavaka; kigira si u manya ni budamano ki ubu la va ku kivala;

Kohelethu 11:8

Yee, mundu na a va mwoyo mihiga minyingi, nobulahi a sangale mu gyosi; navutswa a ganagane madiku gekisundi, kigira ga la va manyingi. Vindu vyosi vidzanga vi veye vya vutswa.

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Lisyoma lya Jeremia 3:27

Nobulahi umundu a ginge inira mu bwana buke bwibwe.

Danyeli 1:17

Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.

Hosea 7:9

Avageni va miri tsingulu tsitsye, naye si a manya: yee, tsimbudze tsi loleki kuye yiyi na yiyi, naye si a manya.

Luka 1:15

Kigira a la va munene imbiri wo Mwami, si a li nwa iwaini namalwa mba; a lizula Roho Mtaka tifu, kutwula munda mwa mama wewe.

Luka 18:16

Navutswa Yesu ya va langa vadze kuye, na a vola, Mu leke avana avakekeke vadze ku inze, mu ta va gaya mba: kigira ubwami bwa Nyasaye bu veye bwa va li ndi.

Vafeso 6:4

Kandi mwinye avadada mu ta tindira avana venyu va ve nobutima: navutswa mu va linde bulahi mu lyegidza nomu ligerihidza lyo Mwami.

Kwidzulitsa 8:18

Navutswa widzulitse Yahova Nyasaye wowo, kigira niye u ku hedzanga ubunyali bwokunyola ubutugi; a duke kudinyeridza lilagana lilye lya yesuhira avaguga vovo, kuli ga veye lero.

2 Timoteo 3:15

kandi kutwula bwana bwoke wa manya mang'oda matakatifu, aga nyala kukugerihidza kuduka ku buhonnyi bwelisuuvira li veye mu Kristo Yesu.

1 Samweli 1:28

kunangwa mbaananga ku Yahova mwana uyu; inyinga a la va mwoyo u haaniywi ku Yahova. Na ya sigamira yo Yahova.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.

1 Samweli 2:18

Navutswa Samweli ya tumekira imbiri wa Yahova, naye ya li mwana, wokwivika kisibao kyengubo yekatani.

1 Samweli 2:26

Nomwana uyu Samweli ya meda kuviruka, na a va nobugasu ku Yahova, noku avandu.