Kohelethu 11:9 - KITABU KITAKATIFU

⁹ O musoleli, sangala, mu busoleli bubwo, nomwoyo gugwo gu ku sangalidze mu madiku gobusoleli bubwo, na u gende mu tsinzira tsyomwoyo gugwo, nomu lilola lyetsimoni tsitsyo: navutswa u manye Nyasaye a la ku vika mu likalagirwa kigira vindu yivi vyosi.

Kohelethu 11:9 ပူးပေါင်းရင်းမြစ်များ

Litanga 3:6

Na mukali lwa ya lola musala zana gu veye mulahi kulia, nagwo kandi gu yanzidza tsimoni, na kandi nomulahi kugerihidza, ya vugula ku makuyu gagwo, na a lia; kandi ya ha musatsa wewe halala naye, na a lia.

Litanga 6:2

avanava Nyasaye va lola avakana va vandu va veye avalahi; na vevugulira kuvo avakali ava va tovola.

1 Avami 18:12

Na ga la duka, nonoho lwa nda tsia kutwula ku ive, Roho wa Yahova a la ku hila ha nta manya; na lwa ntsia kuvolera Ahabu, naye lwa a vula kukulola, a la nziita: navutswa inze mutumekiri wowo nda tia Yahova kutwula bwana buke.

1 Avami 18:27

Na ga duka inyinga ya mbasu hagati Elija ya va kolera kihenyehenye, na a vola, Mu hanzuke ligali; kigira a veye nyasaye: wevolerananga, kinga a himanga, kinga a veye mu lugendo, kinga mbula a gonanga ga mu dukira a vukidzwe.

1 Avami 22:15

Lwa ya duka ku mwami, mwami ya mu teva, Mikaiya, ku tsie kulwana ha Ramothugileadi, naho ku vule kutsia? Naye ya tivula, Yanegira u tsie, na u gasidzwe; na Yahova a la li vika mmakono gomwami.

Ayubu 31:7

Induvatiru yange ni i va ni i girunkana kuleka inzira, Nomwoyo gwange ni gu va ni gu londa tsimoni tsyange, Kandi Imbala kali indala ni i va ni i handi ku makono gange:

Zaburi 81:12

Kunangwa nda va leka kulonda mwoyo gwavo mudinyu, Va duke kugenda mu makuva gavo avene.

Kohelethu 12:1

Widzulire Mulombi wowo mu madiku gobusoleli bubwo, madiku madamano ni ga kikiri kuduka, na mihiga kwisunda himba, gya u li vola ku makuva gagyo, si mbeye nobusangali kandi mu mihiga yigyi;

Kohelethu 12:14

Kigira Nyasaye a la leta miyinzi sa mulala kukalagirwa halala nelikuva sa lilala lya viswa, ni li veye lilahi, ni li veye lidamano.

Kohelethu 2:10

Na ku vyosi kya tsimoni tsyange tsya kayirwa si nda tsima kya zana mba; si nda gaya mwoyo gwange mu busangali mba; kigira mwoyo gwange gwa li ni gu sangalira linyankana lyange lyosi; na yiki kya li kidieli kyange mu linya nkana lyange lyosi.

Kohelethu 3:12

Mmanya si ha veye nekindu ki konya ligali avandu kuvita ubusangali, nokukola bulahil inyinga va va mwoyo.

Kohelethu 3:17

Nda vola mu i mwoyo gwange, Nyasaye a la kalagira avalungi navadamano halala; kigira i veye ho inyinga ku likola sa lilala noku muyinzi sa mulala.

Kohelethu 6:9

Kulola netsimoni nobulahi kuvita kuvoyavoya nelikayirwa: yaga kandi na ga vutswa nokudidikana ku imbuudza.

Kohelethu 7:14

Mu lidiku lyokugasidzwa u sangale, nomu lidiku lyekivi u ganagane: yee, Nyasaye ya lomba kilala kulindana ne kindi, kuduka mundu a vule kumanya ki li duka inyima wewe.

Jeremia 23:17

Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Lisyoma lya Jeremia 3:27

Nobulahi umundu a ginge inira mu bwana buke bwibwe.

Livalidza 15:30

Navutswa mundu u kolanga kindu ku vyosi na a saavira, na a va na a veye mwivuli ku mwinye, kinga mugeni, wa zana a nyeganga Yahova; na mundu uyu a la heridzwa kutwula hagati ha avandu veve.

Livalidza 15:39

na bu la va ku mwinye buyusi, mu bu henze nokwidzulitsa malago gosi ga Yahova, nokugakola; na mu vule kugendagenda kulonda myoyo gyenyu avene, na tsimoni tsyenyu avene, vindu vya mwa li ni mu londanga ku matsyambiri kukola ubuheyi:

Livalidza 22:32

Naingelosi wa Yahova ya mu volera, Kigira ki u kuyi isukiri yoyo hali kavaka ndi? Henza, ndadza kuva muhing'ani, kigira inzira yoyo i veye inkyamu imbiri wange:

Matayo 5:28

navutswa inze mmu volera, ku vosi u henza mkali na a mkayirwa, u mali kuheya naye mmwoyo gwigwe.

Luka 12:19

Kandi nda volera mwoyo gwange, Mwoyo, u veye nevindu vinyingi vikeywi vyemihiga minyingi; u lie, u nwe, u sangale.

Vikolwa 14:16

Naye inyinga yamakula aga vita, ya leka tsihiri tsi londe miima gyavo avene.

Vikolwa 24:25

Paulo lwa yilwadza ku bulungi, kandi ku kwelinda bulahi, nelikalaga lidzanga, ubutii bunyingi bwa gumira Felike, kandi ya tivula na a vola, Kalunu u tsie; na inze lwa na ndole ubwiyangu na nku lange.

Varumi 14:10

Navutswa ive kigira ki u kalagira amwavo wowo? Kandi ive kigira ki u lega amwavo wowo? Kigira vosi ku la singira imbiri wekisako kyekyina kya Nyasaye.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Kwidzulitsa 29:19

na ga veye, na a va na a hulira amakuva gevilaamo yivi, yegasidze mmwoyo gwigwe, a vole, Nda va nemirembe, kali ni ng'enda mu kirage kyomwoyo gwange, kumeda lihambika ku ubuluhu.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;

Joshua 7:21

lwa ndoli mu vilanye ijoho indahi ya Babuloni, netsishekeli tsimia tsiviri tsyefetha, nekilezero kyethahabu yetsishekeli makumi gatano buliduhu bwakyo, hene vaho nda vi kayirwa, nokuvivugula; na henza, vi viseywi mu lirova hagati helihema lyange, na ifetha i veye isi wavyo.

2 Petro 3:7

navutswa ligulu li veye ho kalunu, nelirova, kigira likuva zana li vikeywi kuduka mu muliru, li lindangwa kuduka ku lidiku lyelikalaga nokulidividzwa lyavandu ava vula kutia Nyasaye.