Kohelethu 11:8 - KITABU KITAKATIFU

⁸ Yee, mundu na a va mwoyo mihiga minyingi, nobulahi a sangale mu gyosi; navutswa a ganagane madiku gekisundi, kigira ga la va manyingi. Vindu vyosi vidzanga vi veye vya vutswa.

Kohelethu 11:8 ပူးပေါင်းရင်းမြစ်များ

Ayubu 10:21

Ni nkikiri kutsia ha ndi vula kwirana, Mu kivala kyekisundi, na kyekiriri kyelikudza;

Ayubu 10:22

Ki veye kivala kyekisundi kimwamu, kuli budiku hagati, Ki veye kivala kyekiriri kyelikudza, kivala ki ta veye nelilombwa lyevindu, Kandi ki veye kivala kyobulavu bwakyo bu veye kuli kisundi.

Ayubu 14:10

Navutswa mundu a kudzanga, na a vedzanga mudedekere: Vee, mundu a twulidzanga mwoyo, naye a veye haliha?

Ayubu 14:12

Ni ndiyo mundu a gonanga hasi na si a vuka kandi mba: Kuduka inyinga yeligulu li vula kuva ho, si va la vuka kandi, Kandi si va la vukidzwa kandi mu tsindolo tsyavo.

Ayubu 15:23

A voyavoyanga a duke kunyola vyokulia, na a rola, Li veye haliha? A manya lidiku lyekisundi lyetegeki ha mukono gwigwe.

Ayubu 18:18

A la kungwa kutwula mbulavu a tsie mkisundi Nokukungwa a twule mu lirova.

Zaburi 49:20

Mundu u veye mu lidzominywa na a vula kumanya, A veye kuli tsinyama tsi divanga.

Kohelethu 11:2

U he ava ndu vatano na vaviri vidieli vyavo, yee, kali vatano na vavaka; kigira si u manya ni budamano ki ubu la va ku kivala;

Kohelethu 2:15

Hene yaho nda vola mmwoyo gwange, Kuli yaga aga gwiranga umusiru, ni ndiyo ga la ngwira inze; na nda li nobugeeri kuvita, kigira ki? Hene yaho nda vola mmwoyo gwange, yaga kandi ga veye aga vutswa.

Kohelethu 2:17

Ma nda dunyira livamwoyo, kigira miyinzi gya kolwa isi weliuva gya saliridza inze; kigira yaga gosi na ga vutswa nokudidikana ku imbuudza.

Kohelethu 2:19

Kandi ni bwaha u manyanga a la va wobu geeri kinga musiru? Navutswa a lameha ku likola lyange lyosi lya nkoli, na mulyo ndolekidzi ubugeeri bwange isi weliuva. Kandi yaga gosi na ga vutswa.

Kohelethu 2:26

Kigira Nya saye a hedzanga umundu wa a yanza ubugeeri, nelimanya, nelisangala; navutswa a hedzanga wobwoni, linyankana, kuvungidza nokumeda, a duke kuha wa Nyasaye a yanza. Yaga kandi na ga vutswa, nokudidi kana ku imbuudza.

Kohelethu 4:16

Avandu vosi si va li nekiheri, vosi ava ya li igulu kuvo: navutswa vosi ava lidza inyima wewe si va la sangala kuye mba. Ligali yaga kandi na ga vutswa, nokudidikana ku imbuudza.

Kohelethu 4:8

A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

Kohelethu 6:11

Kigira vi veye ho vindu vinyingi vi medanga ga vutswa, mundu a nyola vyambeta ki?

Kohelethu 6:6

yee, kali na a va mwoyo mihiga elfu nokumeda hali kaviri, na a vula kunyola kusangalira ubulahi, si va tsitsanga ha bugono bulala vosi?

Kohelethu 7:14

Mu lidiku lyokugasidzwa u sangale, nomu lidiku lyekivi u ganagane: yee, Nyasaye ya lomba kilala kulindana ne kindi, kuduka mundu a vule kumanya ki li duka inyima wewe.

Kohelethu 8:12

Kali mwoni a kola ubu damano hali mia, nokumeda madiku gege kuva manyingi, navutswa inze manya ligali bu la va bulahi kuvo ava tidzanga Nyasaye, ava tidzanga imbiri wewe:

Kohelethu 8:15

Ma nzidzominya ubusangali, kigira mundu si a veye nekindu kilahi isi weliuva, kuvita kulia, nokunwa, nokusangala: kandi yaga ga la menya halala naye mu lididikana lilye madiku gosi gelivamwoyo lilye ga Nyasaye ya mu ha isi weliuva.

Kohelethu 9:7

Tsia ku inzira yoyo, lia vyokulia vivyo nobuyanzi, kandi u nwe iwaini yoyo nomwoyo gwobusangali; kigira Nyasaye u mali kubugirira miyinzi gyigyo.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Joeli 2:2

lidiku lyekisundi, na lya isi idunyi, lidiku lyamalesi na kisundi kiliduhu, kuli isi i tanga kwayuka ku vigulu; Ii leta avandu avanene na avetsingulu; va kikiri kuva ho kuli yavo madiku gosi, kandi si va la va ho avenyima, kuduka ku mihiga gyevisukululwi vinyingi.

Matayo 22:13

Hene yaho mwami ya volera ava tumekiri veve, Mu mu bohe mikono nevirenge, mu mu te mu kisundi kyekyova; ha la va nelilira nokudyedyeidza amino.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Kwidzulitsa 32:29

Nkano va veye nobugeeri kumanya yaga, Va duke kuganagana kiheri kyavo

Yudasi 1:18

va volera mwinye amakuva yaga, mu tsinyinga tsyekiheri va la va ho avekihenyahenye ava gendanga kuli likayirwa lyobwebaali bwavo avene.