Kohelethu 11:5 - KITABU KITAKATIFU

⁵ Kuli ive si u manya inzira yembuudza ni i li ha, kandi si u manya kuli liviruka lyevigumba mmunda mwomukali u veye inda; kandi ndiyo si u manyi miyinzi gya Nyasaye u kolanga vindu vyosi.

Kohelethu 11:5 ပူးပေါင်းရင်းမြစ်များ

Ayubu 37:23

Ku makuw ga Wanyala Vyosi, si ku nyala kumidera: A veye munene mu tsingulu; Nomu likalaga nobunyingi bwobulungi a la vula kudambidza.

Ayubu 38:4

Lwa nda tema muse gwelirova, ive wa li haliha? Vola, nu u va nu u veye nelimanya.

Ayubu 5:9

Uyu u kolanga vindu vinene vi ta manyekana, Vindu vyokugenya vi ta valika:

Zaburi 104:24

O Yahova, igirikunu miyinzi gyi gyo Yigyi gyosi wa gvi kola nobugeeri: Lirova lizuye ubuhinda bubwo.

Zaburi 40:5

O Yahova Nyasaye wange, miyinzi gyokugenya gya u koli gyi veye minyingi, Na tsiganagani tsitsyo itsi veye ku kwinye: Si tsi nyala kuvalidzwa ku ive; Ni mba ni nyenya kutsigamba no kutsivola, Tsi veye tsinyingi kuduka tsi ta nyala kuvalidzwa.

Zaburi 92:5

Miyinzi gyigyo gyi veye minene ndi, O Yahova Na tsiganagani tsitsyo tsi veye tsyoluliva ligali.

Kohelethu 1:13

Na nda vika mwoyo gwange kwenya nokuvangula nobugeeri mu vyosi vi kolangwa isi womigulu: li veye linyankana linene lya Nyasaye ya ha avana vavandu kunyankana kulyo.

Kohelethu 1:6

Imbuudza i hudzanga i tsitsanga ku luvega lwa kusini, na i girunkanga kandi kutsia ku luvega lwa kasikasini; i girunkananga kazozo mu ligenda lyayo, na imbuudza yiyi yirananga kandi kulonda livodonkana lyayo.

Kohelethu 11:4

Uyu u henzanga imbuudza a la vula kutaga ubugutsa: na uyu u henzanga amalesi a la vula kugesa.

Kohelethu 3:10

Inze mmali kulola linyakana lya Nyasaye ya ha avana vavandu kunyankana mu.

Kohelethu 3:11

Ya lomba vindu sa kilala kuva kilahi ku inyinga yakyo: kandi ya vika limanya lyemihiga nemihiga mmyoyo gyavo, navutswa ni ndiyo mundu si a nyala kuvangula miyinzi gwa Nyasaye a koli kutwula mu litanga kuduka mu kiheri.

Kohelethu 7:24

Aga veye yo, i veye ihale ligali kandi ga veye noluliva ligali: ni bwaha u nyala kugavangula?

Kohelethu 8:17

hene yaho nda lola miyinzi gyosi gya Nyasaye, kuli mundu si a nyala kuvagala miyinzi gyi kolangwa isi weliuva: kigira mundu kali ni yenya nokuguluhidza kugyivagala, si a gyi lola mba; yee, kandi kali mundu wobugeeri a ganagana kumanya navutswa si a nyala kugyilola mba.

Isaya 40:28

U kikiri kumanya? U kikiri kuhulira? Nyasaye wemihiga nemihiga, Yahova, Mulombi wetsintulu tsyelirova, si a kudzanga mwoyo, kandi si a luhanga; limanya lilye si liderangwa.

Yohana 3:8

Imbuudza i huudza ha i yanzanga, na ive u hulira lihuma lyayo, navutswa si u manya wa i twulanga, kinga wa i tsitsanga: ni ndiyo ku vandu vosi va Roho yivula.

Varumi 11:33

O ubunyingi bwobutugi bwobugeeri no bwelimanya bwa Nyasaye likalaga lilye li vula kumanyekana ndi, kandi tsinzira tsitsye tsi vula kunyoleka ndi