Kohelethu 10:19 - KITABU KITAKATIFU

¹⁹ Lisavo li kolangwa kigira lisangala, na iwaini i sangalidzanga livamwoyo; nefetha i letanga litivula lyevindu vyosi.

Kohelethu 10:19 ပူးပေါင်းရင်းမြစ်များ

Litanga 43:34

Naye ya gavulira sa mulala kidieli kyevyokulia vya li imbiri wewe: navutswa kidieli kya Benjamini kya li kinene kuvita vidieli vya avamwavo veve hali katano. Ni va nwa, nokusangala halala naye.

2 Samweli 13:28

Na Abisalom ya laga avatumekiri veve, na a vola, Henzi kalunu, Amnon lwa mwoyo gwigwe gu sangala kigira iwaini; na lwa mbolera mwinye, Kuyi Amnon, hene yaho mu mwiite; mu ta tia mba; si a ve inze u mu laga? Mu lume enkolo, mu ve avaluviriri.

1 Kyetsinyinga 21:24

Na mwami Daudi ya volera Orinan, Auwa, si ga veye ndiyo; navutswa ligali nda lu gula ku ive kuli ubuguli bwalwo: kigira si mbugula ki veye kikyo kuha Yahova kandi si nda haana kihaanwa kyoku sambwa bugira kukitungira.

Ezara 1:6

Na yava vosi ava menya ku tsimbega tsyavo va vika tsingulu mmakono gavo kigira va va ha viju vyefetha, nethahabu, neviju, nemitugu lugano lugano, na vindu vyobuguli budinyu, kuvita vindu vyosi vya haanwa nomwoyo gwobuyanzi.

Nehemia 5:8

Na nda va volera, Kwinye kuli bunyali bwetu ku tungiye avamwavo vetu Vayuda, yavo ava gulidzwa ku vetsihiri; na mwinye kalunu nkano mwa gulidza avamwavo venyu, va gulidzwe na kwinye ku va gule? Hene yaho va kiring'ana, va vula kuva nekya va vola.

Esther 1:10

Ku lidiku lya gatano na gaviri mwoyo gwomwami lwa gwa sangaia kigira iwaini, ya haana munwa ku Mehu mani, na Bizatha, na Harabana, na Bigatha, na Abagatha, na Zetharu, na Karikasi, avalindi venyumba yo mwami vatano na vaviri ava tumika imbiri womwami Ahasueru,

Zaburi 104:15

Na iwaini i yanzidza mwoyo gwomundu, Na maguta gokunihidza mmoni mwimwe, Na ubukima bu konyanga mwoyo gwomundu.

Zaburi 112:9

A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

Kohelethu 2:3

Nda henzeridza mu mwoyo gwange kuli nnyala kusangalidza mubiri gwange na iwaini, nomwoyo gwange gwa li ni gu nyimirira nobugeeri, kandi kuli ng'umiri ubusiru, nduhe ndole ni kindu ki ki konya avana vavandu va duka kugikola isi weligulu amadiku gosi gelimenya lyavo.

Kohelethu 9:7

Tsia ku inzira yoyo, lia vyokulia vivyo nobuyanzi, kandi u nwe iwaini yoyo nomwoyo gwobusangali; kigira Nyasaye u mali kubugirira miyinzi gyigyo.

Isaya 23:18

Na likirannya lyakyo na madanyi gakyo vi la va ubutakatifu ku Yahova: si vi vikwa mu butugi kandi si vi la vikwa mu akiba; kigira likiranya lyalyo li la va lyavamenyanga imbiri wa Yahova, va duke kulia vyokulia vi duki, nokwivika tsingubo tsi menya.

Isaya 24:11

Lilira li veye mu mahasi galyo kigira iwaini; busangali bwosi bu vikeywi kisundi, ubusangali bwosi bwekivala bu goti.

Matayo 17:27

Navutswa, gase ku la vikigitalidza, ive u tsie ku inyanza u limbike luyali u vugule isudzi i tanga kutwula; lwa u li kunula munwa gwayo u la lola ishekeli: vugula yiyo u tsie kutungira inze nive.

Matayo 19:21

Yesu ya mu volera, Nu wenya kuva mudukiru, tsia u gulidze vyosi vya u veye navyo, u he avadaka, na ive u la va na akiba migulu: udze, u nonde.

Luka 12:19

Kandi nda volera mwoyo gwange, Mwoyo, u veye nevindu vinyingi vikeywi vyemihiga minyingi; u lie, u nwe, u sangale.

Luka 16:9

Na inze mmu volera, Mwekolere avalina ku butugi bu ganga; lwa bu li yoneka, va la ka mwingiridze mu bugono bu ta hera mba.

Luka 8:3

na Yoana mukali wa Chuza wa li mulindi wobutugi bwa Herodi, na Susana, navandi vanyingi, ava mu tumekira nevindu vyavo.

Vikolwa 11:29

Navegidzwi sa mulala kuli va nyala va lalira kuhila ubukonyi ku vamwavo ava menya Ebuyuda:

Vikolwa 2:45

ni va gula ubu tugi bwavo nevindu vyavo ni va gavulira vosi, vandu vosi sa mulala kuli wa a daka.

1 Petro 4:3

Kigira tsinyinga tsya vita tsi hereridzi kukola yaga aga Vetsihiri venyanga, nokugenda mu kifwabwi, nomu likayirwa, nomu lihambika, nomu lisyeva, nomu linwa, nomu lisalisa misambwa gyekivihiri:

Vakalagi 14:10

Na dada wewe ya sulunguta ku mukana uyu: na Samsoni ya lomba yo lilia, kigira ni ndiyo avasoleli va kolanga.

Vakalagi 9:13

Namuzabibu gwa gyi volera, Ndeke iwaini yange indoto, i yanzidzanga Nyasaye navandu, ntsie kwameha ku misala?

1 Samweli 25:36

Na Abigaili yirana ku Nabali; na, henza, ya lomba lilia mu inyumba yeye, kuli lilia lyomwami; nomwoyo gwa Nabali gwa li nobusangala muye, kigira ya hambika ligali: kigira yaga mukali wewe ya vula kumuvolera kindu, ku bukekeke kinga ku bunyingi, bwa luha bwa kya.