Kohelethu 1:6 - KITABU KITAKATIFU

⁶ Imbuudza i hudzanga i tsitsanga ku luvega lwa kusini, na i girunkanga kandi kutsia ku luvega lwa kasikasini; i girunkananga kazozo mu ligenda lyayo, na imbuudza yiyi yirananga kandi kulonda livodonkana lyayo.

Kohelethu 1:6 ပူးပေါင်းရင်းမြစ်များ

Ayubu 37:17

Ive wetsingubo tsitsyo tsi veye noluya Lwa lirova lyehodzeridzanga kigira imbuudza yekusini?

Ayubu 37:9

Kihi ki twulanga mu tsinyumba tsya kusini, Na ubukindu bu twulange kasikasini.

Zaburi 107:25

Kigira a laga, nokuvukidza kihudzudzi, Ki ginganga viguvuli vyago.

Zaburi 107:29

A kola kihudzudzi kugwa mulengera Kuduka viguvuli vyayo vi kiring'ane.

Kohelethu 1:7

Migera gyamadzi gyosi gyi tsitsanga ku inyanza, navutswa inyanza si yizulanga mba; hemigera zana gyi twulanga, ni ho ha gyirananga kandi.

Kohelethu 11:5

Kuli ive si u manya inzira yembuudza ni i li ha, kandi si u manya kuli liviruka lyevigumba mmunda mwomukali u veye inda; kandi ndiyo si u manyi miyinzi gya Nyasaye u kolanga vindu vyosi.

Jona 1:4

Navutswa Yahova ya leta kihudzudzi kinene ku inyanza, kandi kya duka kuva kihi kinene ku inyanza, kuduka liato lya li himbi kwononnywa.

Matayo 7:24

Ku vosi u hulira amakuva gange yaga, na a ga kola, a la fwananywa nomundu mugeeri, wombaka inyumba yeye ku lwanda:

Matayo 7:27

imbula ya kupa, na madzi gizulira, nembuudza ya huudza vya kupa ku inyumba yeyo; ya gwa: kandi ligwa lyayo lya li linene.

Yohana 3:8

Imbuudza i huudza ha i yanzanga, na ive u hulira lihuma lyayo, navutswa si u manya wa i twulanga, kinga wa i tsitsanga: ni ndiyo ku vandu vosi va Roho yivula.