Joshua 9:1 - KITABU KITAKATIFU

¹ Na ga duka, avami vosi va li engereka ya Yordani, mu kivala kyevigulu, no mu kivala kereremu noku luginga lwe inyanza inene kuhenza Lebanon, Muhiti, na Mwamori, no Mukanani, na Muperizi, no Muhivi, no Mujebusi, lwa va hulira makuva gevindu yivi;

Joshua 9:1 ပူးပေါင်းရင်းမြစ်များ

2 Samweli 24:7

na va duka ku lugaga lwa Turo, noku madala gosi ga Vahivi, na ga Vakanani; na va twulira ku luvega lwa kusini wa Yuda, ha Beersheba.

Kutwula 23:23

Kigira ingelosi wange a lemira imbiri wowo, nokukuhila wingire ku Avaamori, na Vahiti, na Vaperizi, na Avakanani, na Vahivi, na Vajebusi: kandi nda va dividza.

Kutwula 23:31

Na nda vika lwako lulwo kutwula Inyanza Inzakanyu kuduka ku inyanza ya Avafilisiti, kandi kutwula ku kyangalangwi ku duka ku Mugera: kigira nda vika avandu avomkivala mu mukono gwenyu; na ive u la va kunga imbiri wowo.

Kutwula 3:17

Kandi mmali kuvola, Nda mu leta mwanegire kutwula mu busaliri bwa Egepeti, nokumuvika mu kivala kya Avakanani, na Avahiti, na Avaamori, na Avaperizi, na Avahivi, na Avajebusi, mu kivala ki gangalukanga amaveere na bwuki.

Kutwula 34:11

Ive u kole aga nku laganga lero: henza, nda kunga kutwula imbiri wowo Avaamori, na Avakanani, na Avahiti, na Avaperizi, na Avahivi, na Avajebusi.

Livalidza 13:29

Amaleki va a menya mu kivala kya Kusini; na Avahiti, na Vajebusi, na Vaamori, va menyanga mu kivala kyevigulu; na Avakanani va menya ku luginga lwenyanza, noku luginga lwa Yordani.

Livalidza 34:6

Na lwako lwenyu lwoluvega lwemadioli, lu la va ku inyanza inene na lwako lwayo: yilu lu la va lwako lwenyu lwemadioli.

Kwidzulitsa 1:7

mu girunkane, mu gumire lugendo lwenyu, mu tsie mkivala kyevigulu kya Vaamori, na hosi himbi ha zana, mu Kereremu, nomu kivala kyevigulu, nomkivala kereremu, na Kusini, noku luginga lwenyanza, kivala kya Vakanani, na Lebanon, kuduka ku mugera munene, mugera gwa Farati.

Kwidzulitsa 3:25

Nsaala ive, nyambuke, ndole kivala kilahi yikyo, ki veye engereka ya Yordani, kigulu yikyo kilahi, na Lebanon.

Kwidzulitsa 4:49

ne Kereremu yikyo kyosi ki veye engereka wa Yordani ku luvega lwevugwi, kuduka ku lwako lwenyanza yekereremu zana, isi wevisulungutu vya Pisiga.

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Joshua 1:15

kuduka lwa Yahova a ha avamwavo venyu uhwelemeridzi, kuli mwinye, navo kandi va nyoye kugumira kivala kya Yahova Nyasaye wenyu a va ha: ma mu lirana mu kivala kyemiyandu gyenyu, mu duke kukigumira, kya Musa mutumekiri wa Yahova ya mu ha engereka ya Yordani ku luvega lwelitwulira lyeliuva.

Joshua 1:4

Kutwula ku kyangalangwi, noku Lebanon yiki, kuduka ku mugera munene, mugera gwe Farati, kivala kyosi kya Vahiti, kuduka ku inyanza inene ku luvega lweliyera lyeliuva, ha la va lwako lwenyu.

Joshua 10:23

Navo va kola li ndiyo, ni va mu letera avami vatano yavo kutwula mu luhangaywa, mwami wa Yerusalemi, nomwami wa Hebironi nomwami wa Jaramuthu, nomwami wa Lakishi, nomwami wa Egilon.

Joshua 11:17

kutwula ku kigulu kya Halaku, ki tsitsanga ku luvega lwa Seiru, kuduka Baalgadi mwivona lya Lebanon isi wekigulu kya Herimon: na ya vugula avami vavo vosi, na a va kuya, na viita.

Joshua 13:5

nekivala kya Vagebali, na Lebanon hosi, ku luvega lwobutwuliru bweliuva, kutwula Baalgadi isi we kigulu kya Herimon kuduka ho kwingirira Hamathu;

Joshua 15:12

No lwako lwemadioli lu veye inyanza inene, noluginga lwayo. Yilu lu veye lwako lwa avava va Y uda ku livodonkana hosi kuli bwiko bwavo.

Joshua 22:4

Kalunu Yahova Nyasaye wenyu u mali kuha avamwavo venyu bwelemeridzi, kuli ya va volera: kunangwa kalunu mwinye mwirane, mu tsie mu mahema genyu, ku kivala kyemiyandu gyenyu, kya Musa mutumekiri wa Yahova ya mu ha engereka ya Yordani.

Joshua 22:7

Na Musa ya li ni ya mala kuha inusu indala yehiri ya Manase miyandu mu Bashan; navutswa inusu yindi Joshua y a va ha miyandu hagati ha vamwavo vavo engereka ya Yordani ku luvega lwemadioli. Halala na yaga Joshua lwa ya va tuma va tsie mu mahema gava, ya va gasidza,

Joshua 23:4

Henza ng odeye mwinye, avetsihiri yitsi tsi tigaye, tsi ve miyandu gyetsihiri tsyenyu, kutwula ku mugera gwa Yordani, halala netsihiri tsyosi tsya nda kalaga, kuduka ku inyanza inene ku luvega lweliyera lyeliuva.

Joshua 24:11

Na mwambuka Yordani, nokuduka Yeriko: avasatsa va Yeriko va lwana nemwinye, Vaamori, na Vaperizi, na Vakanani, na Vahiti, na Vagirigashi, na Vahivi, na Vajebusi; nda va vika mmakono genyu.

Joshua 3:10

Na Joshua ya vola, Ku yaga mu la manya Nyasaye a veye mwoyo a veye hagati henyu, kandi uyu si a li vula kukunga nokutwulidza imbiri wenyu Vakanan, na Vahiti, na Vahivi, na Vaperizi, na Vagirigashi, na Vaamori, na Vajebusi.

Joshua 3:17

Na avasalisi va ginga lisanduku lyelilagana lya Yahova va singira budinyu ku marova amumu hagati ha Yordani; na Israeli vosi vambuka ku marova amumu, kuduka ihiri yosi ya mala kwambuka Yordani.

Joshua 5:1

Na ga duka, avami vosi va Vaamori, ava li engereka wa Yordani ku luvega lwemadioli, na avami vosi va Vakanani, ava li himbi nenyanza, lwa va hulira kuli Yahova ya kaminya amadzi ga Yordani, ga twule imbiri wa avana va Israeli, kuduka lwa va mala kwambuka, myoyo gyavo gya yenguka, kinga si va li na roho muvo kandi, kigira avana va Israeli.

Joshua 6:27

Ni ndiyo Yahova ya li halala na Joshua; lidzominywa lilye lya landa mkivala yikyo kyosi.

Joshua 9:7

Na avandu va Israeli va volerana na Vahivi yava, Mbula mu menyi hagati hetu; na kwinye ku nyala ndi kulomba lilagana ne mwinye?