Joshua 7:20 - KITABU KITAKATIFU

²⁰ Akan ya tivulira Joshua, na a vola, Ligali nkoli bwoni ku Yahova, Nyasaye wa Israeli, na nkoli yaga na yaga:

Joshua 7:20 ပူးပေါင်းရင်းမြစ်များ

Litanga 42:21

Navo va volerana avane na avene, Ligali ku veye ne kivi ku amwavo wetu, kigira kwa lola ubusaliri bwomwoyo gwigwe, lwa ya ku goonya, ni ku vula kumuhulra; kigira yaga ubusaliri yibu bu duki ku kwinye.

Ayubu 33:27

Yimbanga imbiri wavandu, nokuvola, Inze nda kola ubwoni, nokukyaminya agobulungi Na si nda nyola vyambeti.

Ayubu 7:20

Ni mba ni nkoli ubwoni, nkolera ki ive O ive umlindi wavandu? Kigira ki u mbiki kuva kya u henzera ku Kuduka ngwiye musigo ku mwoyo gwange?

Zaburi 38:18

Kigira ndeyama ubukyamu bwange; Na nda vererera ubwoni bwange.

Kutwula 10:16

Hene yaho Farao ya langa Musa na Haruni bwangu; na ya va volera, Nkoleye Yahova Nyasaye wenyu ubwoni, noku mwinye.

Kutwula 9:27

Na Farao ya tuma na a langa Musa na Haruni, na a va volera Nkoli ubwoni inyinga yiyi: Yahova a veye mulungi, na inze na avandu vange ku veye avadamano.

Livalidza 22:34

Na Balaam ya volera ingelosi wa Yahova, Inze nkoli ubwoni; kigira si mmanyi ive u singiye ku inzira kuhing'ana ninze: kunangwa kalunu, nu u va nu u ta yanza inze kutsia, ndirana inyima.

Matayo 26:9

Kigira ma guta yaga ga nyala kugulwa tsi shilling tsinyingi tsi hebwe avadaka.

Matayo 27:4

na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene.

Joshua 7:19

Na Joshua ya teva Akan, Mwana wange, mwadza, u kuminye Yahova, Nyasaye wa Israeli, weyame kuye; na u volere inze ga wa kola; u ta ga vise ku inze.

Joshua 7:21

lwa ndoli mu vilanye ijoho indahi ya Babuloni, netsishekeli tsimia tsiviri tsyefetha, nekilezero kyethahabu yetsishekeli makumi gatano buliduhu bwakyo, hene vaho nda vi kayirwa, nokuvivugula; na henza, vi viseywi mu lirova hagati helihema lyange, na ifetha i veye isi wavyo.

1 Samweli 15:24

Na Saulo ya volera Samweli, Inze nkoli ubwoni; kigira ndononnya lilaga lya Yahova, namakuva gogo, kigira nda tia avandu, nokuhulira mwoyo gwavo.

1 Samweli 15:30

Hene yaho ya vola, Nkoli ubwoni: kali ni ga veye ndiyo, nku goonya, u nzidzominye kalunu imbiri wa vakulundu vavandu vange, na imbiri wa Israeli, na wirane kandi halala ninze nduke kusigamira Yahova Nyasaye wowo.