Joshua 3:16 - KITABU KITAKATIFU

¹⁶ hene yaho amadzi gikanga kutwula ku luvega lwolugulu ga singira, na ga diguluka na ga gwa kitumi ihale ligali, kuduka ha Adam, lidala li veye himbi Zarethan; na amadzi ga sulunguta kutsia ku luvega lwenyanza yekereremu, inyanza yo Munyu, ga kalika ligali: na avandu yavo vambuka kulungika Yeriko.

Joshua 3:16 ပူးပေါင်းရင်းမြစ်များ

Litanga 14:3

Yava vosi va hambana halala mu livona lya Shidimi (li veye Inyanza Yomunyu).

1 Avami 4:12

Baana mwana wa Ahiludu, mu Taanaka na Megido, na hosi ha Bethshean kya li himbi Zarethan, isi wa Jezireeli, kutwu, la Bethshean kuduka Abelimehola, imbiri wa Jokimeam;

1 Avami 7:46

Mwami ya vi salulira mu kivala kyekireremu kya Yordani, mu budohi bwobusandu bu veye hagati ha Sukothu na Zarethan.

Zaburi 114:3

Inyanza ya lola, ni yiruka; Na Yordani gwa kungwa.

Zaburi 114:5

U veye na ki, ive inyanza, ive u duke kwiruka? Na ive Yordani, wirana inyima?

Zaburi 29:10

Yahova yikala kuli Mwami ku lizulira lyamadzi; Yee, Yahova yikalanga kuli Mwami mihiga nemihiga.

Zaburi 33:7

A vungidzanga amadzi genyanza kuva kitumi: A vikanga ubunyingi bwetsinyanza mu magungi.

Zaburi 66:6

Ya girunkannya inyanza i gwe kivala kyumu; Vambuka mugera nevirenge: Ha zana kwa mu sangalira ho.

Zaburi 74:15

Wa vukannya kisenukiru na mugera: Wuminya migera gyi vula kuhera.

Zaburi 77:19

Muhanda gugwo gu veye mu inyanza, Na tsinzira tsitsyo tsi veye mu amadzi manene Na ligenda lilyo si li manyekana mba.

Zaburi 78:13

Yavukanya inyanza, na a vambukidza engereka; Ya singeridza amadzi kuva kuli kitumi.

Kutwula 14:21

Na Musa ya nyira mukono gwigwe ku inyanza; na Yahova ya kola inyanza kwirana inyima nembuudza yetsingulu itwula ivugwe ubudiku bwosi, na ya kola inyanza kuva kivala kiumu, na amadzi gavukanywa.

Kutwula 14:22

Na avana va Israeli vingira mu inyanza ku kivala kiumu: na amadzi ga li madigi kuvo ku mukono mulungi, noku mukono mmosi.

Kutwula 14:29

Navutswa avana va Israeli va genda ku lirova liumu mu inyanza; na amadzi ga li madigi kuvo, ku mukono mulungi, noku mukono mmosi.

Kutwula 15:8

Amadzi ga digululwa igulu nelihuudza lya amolu gogo, Viguvuli vya singira bulungi kuli vitumi; Amadzi ga dinya mu mwoyo gwenyanza.

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Ezekieli 47:8

Ma ya mbolera, Amadzi yaga aga twulanga kutsia ku luvega lwekivala kyevugwe, ga lika kutsia ku kyangalangwi; na ga la tsia ku luvega lwenyanza; ga twulanga ha zana ga la tsia mu inyanza; namadzi genyanza ga la honywa.

Nahum 1:4

A gondokiranga inyanza, na a gi kaminyanga, kandi a kaminyanga migera gyosi: Bashan va nialanga, na Karimeli; nekimuli kya Lebanon ki nialanga.

Habakuk 3:8

Yahova ya vihirirwa nemigera? Butima bubwo bwa li ku migera, Kinga ubutima bubwo bwa li ku inyanza, Ive u duka kunina ku tsiparasi tsitsyo Ku magari gogo gobuhonyi?

Livalidza 34:3

na luvega lwenyu lwa kusini lu la va kutwula ku kyangalangwi kya Zin kuvita luvega lwa Edom, na lwako lwenyu lwa kusini lu la va kutwula ku kiheri kya Inyanza yo Munyl: kuhenza ivugwe;

Kwidzulitsa 1:1

Yaga ga veye makuva ga Musa ya volera Israeli vosi engereka ya Yordani mu kyangalangwi, mu Kereremu ku luvega lwa Sufi, hagati ha Parani, na Tafeli, na Labani, na Hazerothu, na Di-zahabu.

Kwidzulitsa 3:17

nekereremu, na Yordani nalwako luakyo, kutwula ku Kinerethu kuduka ku inyanza ya kereremu, nayo ni Inyanza yo Munyu, isi wekisulungutu kya Pisiga ku luvega lwibukwe.

Joshua 12:3

nekereremu kuduka ku inyanza ya Kinerothu, ku luvega lwevugwi, kandi kuduka ku inyanza yekereremu, kali kuduka ku Invanza ya Munyu, ku luvega lwevugwi, ku inzira i tsitsanga Bethjesimoth; kandi ku luvega lwekusini, isi wevisulungutu vya Pisiga:

Joshua 15:2

Na lwako lwavo lwekusini lwa li kutwula ku kiheri kya Inyanza yo Munyu, ki henza kusini;

Joshua 16:7

ni lusulunguta kutwula Janoa kuduka Atarothu, na Naara, na lwa duka Yeriko, na lwa hera ha mugera gwa Yordani.

Joshua 3:13

Ga la duka, lwe tsinduvatiru tsyevirenge vyavasalisi ava ginganga lisanduku lya Yahova Mwami welirova lyosi, tsi singira mu madzi ga Yordani, amadzi ga Yordani ga la kalika, amadzi yago ga twulanga ku luvega lwelugulu; na ga a singira kuva kitumi kilala.

Joshua 4:22

Hene yaho mu la volera avana venyu, ni mu vola, Israeli yambuka mugera yigu gwa Yordani ku marova amumu.

Joshua 5:1

Na ga duka, avami vosi va Vaamori, ava li engereka wa Yordani ku luvega lwemadioli, na avami vosi va Vakanani, ava li himbi nenyanza, lwa va hulira kuli Yahova ya kaminya amadzi ga Yordani, ga twule imbiri wa avana va Israeli, kuduka lwa va mala kwambuka, myoyo gyavo gya yenguka, kinga si va li na roho muvo kandi, kigira avana va Israeli.

Vakalagi 7:22

Va kupa visiliva tsimia tsivaka, na Yahova ya kola kivavi kyomundu sa mulala kuva ku wakye, noku lihe lyosi: nelihe liruka kuduka Beth-shita ku luvega lwa Zerera, kuduka ku lwako lwa Abelimehola, himbi Tabathu.