Joshua 2:11 - KITABU KITAKATIFU

¹¹ Na lwa ikwa nyola amakuva yaga, nonoho rnyoyo gyetu gya yenguka, na roho kali mulala si gwa tigala mu mundu kali mulala, kigira mwinye: kigira Yahova Nyasaye wenyu, uyu niye Nyasaye mu ligulu igulu, nomu lirova hasi.

Joshua 2:11 ပူးပေါင်းရင်းမြစ်များ

1 Avami 8:60

avandu vosi velirova va duke kumanya Yahova a veye Nyasaye; si ha veye nowundi.

2 Avami 5:15

Yirana ku mundu wa Nyasaye uyu, nekiganda kikye kyosi, vadza, ni va singira imbiri wewe: na a vola, Henza kalunu, manya si ha veye na Nyasaye mu lirova lyosi, navutswa mu Israeli: kunangwa kalunu, mwadza, u vugule ubugasu ku mukono gwomutumekiri wowo.

Nehemia 6:16

Na ga duka, lwa avasigu vetu vosi va hulira, ma tsihiri tsyosi tsya ku kumbiridza va tia, nokugehidzwa ligali mu tsimoni tsyavo avene; kigira va lola miyinzi yigyo Nyasaye wetu ya gyi kola.

Esther 8:17

Na mu tsiprovinse tsyosi sendala, na mmadala gosi sa lilala, na hosi ha lilaga lyomwami lya duka, Avayuda va li nobuyanzi nobusangali, nelilia neli diku lilahi. Na vanyingi ku vandu vekivala va gwa Avayuda; kigira litihidza lya Avayuda lya va gwira.

Zaburi 102:15

Kunangwa avetsihiri va la tia lieta lya Yahova, Na avami vosi avelirova ra la tia ubukumi bubwo.

Zaburi 22:14

Inze nsunduywe kuli amadzi, Na vigumba vyange vyosi vi teguki: Mwoyo gwange gu veye kuli masang'asa; Gu salulukidzeywi mu mala gange.

Zaburi 58:7

Va saluluke kuli amadzi ga gendanga bwangu: Lwa a lasa mibano gyigye gyi ve kuli gyi vuniki.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Kutwula 15:14

Avetsihiri va huliye, va degera: Ava menya mu Filisita, lisaliridzwa li va nyonye.

Kutwula 15:15

Hene yaho avami va Edom va genya; Avetsingulu va Moabu, lidegera li va gumiye: Avamenya mu Kanani va kamuluka.

Isaya 13:7

Kigira yaga amakono gosi ga la va madediekere, nomwoyo gwomundu sa mulala gu la yengeka:

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Ezekieli 21:15

Mmali kuvika isonga yekivavi imbiri weviribwa vyavo vyosi, myoyo gyavo gyi duke ku yenguka, lyekigitala lyavo li medeke: O ki koleywi kuva kuli uluheni, ki vikeywi isonga ki duke kwiita.

Nahum 2:10

A veye bugira kindu, nomweri, na hatswa; mwoyo gu saluluka, na masigamo ga kupananga, ne lilumwa li veye mu vikenge vyosi, nomumoni mwavo vosi va saamuki kigira bugenyi.

Kwidzulitsa 1:28

Kwanegira kutsia haliha? Avamitu vetu va salulukidzi myoyo gyetu, ni va vola, Avandu yavo va veye avanyingi navatambi kuvita kwinye; namadala ga veye manene, kandi ga veye namadigi kuduka migulu; na kandi kwa lola avana va Anaki va veye ho.

Kwidzulitsa 20:8

Kandi avanyampara va mede kuvolera vandu, va vole, Ni mundu ki u veye wobutii nowomwoyo mudedekere? A tsie yirane yengo wewe, gase myoyo gya vamwavo veve gyi la salaluka kuli mwovo gwigwe.

Kwidzulitsa 4:39

Kunangwa u manye lero, na u vike mmwoyo gugwo Yahova a veye Nyasaye migulu nomu lirova hasi; si ha veye nowundi.

Joshua 14:8

Navutswa avamitu avanegira halala ninze va salalukidza myoyo gyavandu; navutswa inze nda londa Yahova Nyasaye nobudukiru.

Joshua 2:24

Na va volera Joshua, Ligali Yahova u viki mmakono getu kivala yiki kyosi; kandi kuvita yaga avamenyi mu kivala yikyo vosi va yenguki kigira kwinye.

Joshua 5:1

Na ga duka, avami vosi va Vaamori, ava li engereka wa Yordani ku luvega lwemadioli, na avami vosi va Vakanani, ava li himbi nenyanza, lwa va hulira kuli Yahova ya kaminya amadzi ga Yordani, ga twule imbiri wa avana va Israeli, kuduka lwa va mala kwambuka, myoyo gyavo gya yenguka, kinga si va li na roho muvo kandi, kigira avana va Israeli.

Joshua 7:5

Na vasatsa va Ai va duya kuvo avandu ava duka makumi ga vaka na vatano na mulala; na va va kunga kutwula imbiri wekiribwa kyelidala kuduka Shebarim, na va va duya ha kisulungutu: nemyoyo gyavandu gya yenguka ni gyi gwa kuli amadzi.

Joshua 9:24

Navo va tivulira Joshua, ni va vola, Kigira kwa volerwa ligali, kwinye avatumekiri vovo, kuli Yahova Nyasaye wowo ya laga mutumekiri wewe Musa kuhaana ku mwinye kivala yiki kyosi, no kudividza avandu vosi vekivala yiki va twule imbiri wenyu; kigira yaga kwinye kwa tia ligali ku livamwoyo lyetu kigira mwinye, na kwa kola inkuva yiyi.

Likunula 6:16

navo va volera vigulu namagina, Ku gwiri nokukuvisa imbiri wa uyu wikaye ku intebe, kandi ku butima bwo Mwana Weligondi;