Jona 4:2 - KITABU KITAKATIFU

² Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.

Jona 4:2 ပူးပေါင်းရင်းမြစ်များ

1 Avami 19:4

Navutswa mwene ya tsia lugendo lwelidiku lilala mmigendanyama, na yadza ni yikala isi womusala gwomurutemu: na yesaalira likudza, na a vola, Ga duki; kalunu, O Yahova, vugula mwoyo gwange; kigi ra inze si mbeye mulahi kuvita vagu ga vange mba.

Zaburi 103:8

Yahova a veye wetsimbabasi na welivererera. Na wa galaha ku butima, na wobunyingi bwelivererera.

Zaburi 145:8

Yahova a veye mulahi na wetsimbabasi; A veye wa galaha ku ubutima, na wetsimbabasi tsinene.

Zaburi 78:38

Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Zaburi 86:5

Kigira ive, Mwami, u veye mulahi, na mwangu kusameha, Na wobunyingi bwetsimbabasi ku vosi avanira ive.

Zaburi 90:13

Wirane, O Yahova; kuduka inyinga ki? U vererere avatumekiri vovo.

Kutwula 32:14

Na Yahova yeganira ubudamano bwa ya vola a la kolera avandu veve.

Jeremia 18:8

ni i va ihiri zana ya mbola ku makuva gayo, yeganira, nokuleka budamano bwavo, inze ndeganira ku budamano bwa nsaaviye kuvakolera.

Jeremia 20:7

O Yahova, wa ng'oonya, na inze nda goonyeka; ive u veye netsingulu kuvita inze, na u guuti: inze nda gwa kihenyahenye mbasu bei, sa mulala ya nkolerakihenyahenye.

Jeremia 26:13

Kunangwa kalunu mu lombe tsing'endo tsyenyu nelikola lyenyu, na mu hulire mwoyo gwa Yahova Nyasaye wenyu; na Yahova a leganira ku budamano bwa ya li na a voye ku mwinye.

Jeremia 42:10

Mwinye ni mu va ni mu kikiri kumenya mu kivala yiki, hene yaho nda mwombaka, si nda mu tsoma hasi mba, nda mu simika, si nda mwiha mba: kigira nzeganira ku budamano bwa nda mu kola.

Amosi 7:3

Yahova yeganira mu inkuva yiyi: la vula kuva, Yahova a vola.

Amosi 7:6

Yahova yeganira mu inkuva yiyi: Yiyi kandi i la vula kuva, Mwami Nyasaye a vola.

Jona 1:3

Navutswa Jona ya vuka kwiruka kutsia Tarshishi kutwula imbiri wa Yahova; na ya sulunguta kutsia Yopa, na a lola yo liato li tsitsanga Tarshishi: ma ya tunga mitungu gyalyo, na a tsia mulyo, a tsie Tarshishi halala navo kutwula imbiri wa Yahova.

Jona 3:10

Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.

Jona 3:9

Ni bwaha u manya, mbula Nyasaye a la girunkana nokweganira, nokuleka ubutima bwibwe bululu, kwinye ku vule kudividzwa?

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Luka 10:29

Navutswa uyu yenya kweha ubulungi ya volera Yesu, Kandi mutende wange ni bwaha?

Kwidzulitsa 4:31

kigira Yahova Nyasaye wowo a veye Nyasaye wetsimbabasi; si u la daka kuye kindu, si a la kwononya, kandi si a livirira lilagana lyavaguga vovo lya ya visuhira.