Jona 1:9 - KITABU KITAKATIFU

⁹ Naye ya va volera, Inze mbeye Muhebraina; na ntidza Yahova, Nyasaye womigulu, wa lomba inyanza na lirova Iyumu.

Jona 1:9 ပူးပေါင်းရင်းမြစ်များ

Litanga 1:10

Na Nyasaye ya gulika ahumu Lirova na livungwa lyamadzi ya gulika Tsinyanza: na Nyasaye ya lola nobulahi.

Litanga 14:13

Kandi yadza mulala wa hononoka, na a volera Abram Muhebraina: ha ya menya himbi nemisala gya Mamre, Muamori, amwavo wa Esikoli, na amwavo wa Aneri; na vandu yava va li ni va koli lilagana na Abram.

Litanga 24:7

Yahova, Nyasaye womigulu, wa ntwulidza mu inyumba ya dada wange, nomu kivala kya ndivulwa mu, wa mbolera, na ya nzisuhira, kuvola, Nda ha kivala yiki ku kisukululwi kikyo; uyu a la tuma ingelosi wewe imbiri wowo, na ive u la vugulira yo mwana wange mukali.

Litanga 39:14

ya langa avasatsa avenyumba yeye, na a va volera, na a vola, Henza, ya ku letera Muhebraina kukukolera kihenyahenye; yingira ku inze a duke kugona ninze, na nda kupa tsikwili nomwoyo munene:

2 Avami 17:25

Na ga duka, mu litanga lyelimenya lyavo mu kivala yikyo, si va tia Yahova: kigira yaga Yahova ya lete ving'ang'a hagati havo, na valala kuvo viitwa.

2 Avami 17:28

Ma mulala ku vasalisi ava va hila avahambe kutwula Samaria, yadza na a menya Betheli, na ya vegidza kuli ga va dukira kutia Yahova.

Ezara 1:2

Kurusi mwami wa Persia a volanga, Yahova, uyu Nyasaye womigulu u heye inze n ubwami bwosi bwelirova; na u lagi inze mwombakire inyumba ha Yeru salemi, li veye mu Yuda.

Ezara 5:11

Na va ku tivulira, ni va vola, Kwinye kwa li avatume kiri va Nyasaye womigulu nowelirova, na kwombakanga inyumba yomba kwa mihiga miyingi gya vita, yo mwami munene wa Israeli yombaka na ya mala.

Nehemia 1:4

Kunangwa, lwa nda hulira makuva yaga, ndikala nokulira, noku syoma madiku aga duki; na nda honga lilia nokusaala imbiri wa Nyasaye womigulu,

Nehemia 2:4

Hene yaho mwami ya nteva, Lyenya lilyo lya wenyanga li veye ki? Ma nda saala Nyasaye womigulu.

Nehemia 9:6

Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Ayubu 1:9

Ma Setani ya tivulira Yahova, na a vola, Ayubu a tidzanga Yahova vutswa?

Zaburi 136:26

O mu santidze Nyasaye womi gulu; Kigira tsimbabasi tsitsye tsi veye ho mihiga nemihiga.

Kutwula 1:15

Kandi mwami wa Egepeti ya volera avivulidzi va Vahebraina, avomulala ya langwa Shifira, na wundi ya langwa Pua:

Kutwula 2:13

Na ya twula kandi lidiku lya kaviri, na henza, avandu vaviri ku Avahebraina va kupananga: naye ya volera uyu wa tindiranga wakye, Kigira ki u duyanga wakyo?

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 27:23

Kigira ubudiku yibu lero ya li ninze a himbi ingelosi wa Nyasaye, wa inze mbeye mundu wewe kandi wa ntumekira,

Vafilipi 3:5

Nda kevwa ku lidiku lya katano na gavaka, nda twula ku kisukululwi kya Israeli, wehiri ya Benjamini, Muhebraina u twulanga ku Vahebraina; ku miima gyetorati nda li Mufarisayo;

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 16:11

kandi va nyega Nyasaye womigulu kigira ubusaliri bwavo kandi kigira lwangaala lwavo; kandi si veganira ku miyinzi gyavo.