Jona 1:8 - KITABU KITAKATIFU

⁸ Hene yaho va mu volera, Mwadza, u ku volere, ubudamano yibu bu duki ku kwinye kigira ibwaha; miyinzi gyigyo gyi veye ki? Na ive u twula haliha? U veye mundu wekivala ki? U veye mundu wehiri ki?

Jona 1:8 ပူးပေါင်းရင်းမြစ်များ

Litanga 47:3

Na Farao ya teva avamwavo veve, Miyinzi gyenyu gyi veye ki? Navo va volera Farao, Avatumekiri vovo va veye avatugi vemitugu, kwinye, na avadada vetu.

Yakobo 5:16

Mweyamirane ubwoni bwenyu avene navene, mu saalirane avene navene mu duke kuhonnywa. Lisaala lyomundu mulungi li konya ligali mu likola lyalyo.

Joshua 7:19

Na Joshua ya teva Akan, Mwana wange, mwadza, u kuminye Yahova, Nyasaye wa Israeli, weyame kuye; na u volere inze ga wa kola; u ta ga vise ku inze.

1 Samweli 14:43

Hene yaho Saulo ya volera Jonathan, U mbolere ga wa kola. Ma Jonathan ya mu volera, na a vola, Ligali inze nda tsatsama ku bwuki bukekeke ku isonga yempimbo ya li mmukono gwange; na henza, ga ndukira kukudza.

1 Samweli 30:13

Na Daudi ya mu teva, U veye mundu wa bwaha? Na u twula haliha? Naye a vola, Inze mbeye musoleli wa Egepeti, mutumekiri wa Muamaleki; na munene wange ya ndeka, kigira madikuu gavaka yaga nda lwala.