Jona 1:4 - KITABU KITAKATIFU

⁴ Navutswa Yahova ya leta kihudzudzi kinene ku inyanza, kandi kya duka kuva kihi kinene ku inyanza, kuduka liato lya li himbi kwononnywa.

Jona 1:4 ပူးပေါင်းရင်းမြစ်များ

Zaburi 135:6

Gosi aga Yahova a yanza, yaga a kola, Migulu na mu lirova, na mu tsinyanza na mu luliva lwosi;

Zaburi 135:7

Uvuyidzanga lilumbe kutwula ku tsindulu tsyelirova; U lombera imbula tsimpeni U twulidzanga imbuudza mu vyagi vivye;

Zaburi 148:8

Umuliru, ne imbula yamagina, likonza ne lilumbe; Imbuudza yekihudzudzi vi kola likuva lilye;

Kutwula 10:13

Na Musa ya nyira impimbo yeye ku kivala kya Egepeti, na Yahova ya leta imbuudza yevugwe ku kivala mbasu pei, nobudiku pei; na mugamba imbuudza yevugwe ya leta tsisigi.

Kutwula 10:19

Na Yahova ya girunkanya imbuudza inene ligali i twule madioli, ya twulidza tsisigi nokutsihila mu Inyanza Inzakanyu; si tsya tigala kali indala mu kivala kyosi kya Egepeti.

Kutwula 14:21

Na Musa ya nyira mukono gwigwe ku inyanza; na Yahova ya kola inyanza kwirana inyima nembuudza yetsingulu itwula ivugwe ubudiku bwosi, na ya kola inyanza kuva kivala kiumu, na amadzi gavukanywa.

Kutwula 15:10

Ive wa huudza imbuudza yoyo, inyanza ya va kunika: Viinika mmadzi manene kuli lisasi.

Jeremia 51:16

Lwa a kupa lwanga lwilwe, ha veye nomuliviti gwa madzi manyingi migulu, a vuyidzanga ama lumbi kutwula ku tsintulu tsyelirova; a lombanga tsimpeni halala nembula, na a letanga imbuudza kutwula mu kyagi kikye.

Amosi 4:13

Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.

Livalidza 11:31

Na imbuudza ya twula ku Yahova, ni i leta tsisindu kutwula ku inyanza, na ya tsi leka kuyera himbi na a hokusosa, kuli lugendo lwelidiku lilala ku luvega vilu, na lugendo lwelidiku lilala ku iuvega lundi, ku tsimbega tsyosi tsya hokusosa, na tsya duka kuli kigero kya makono gaviri igulu wekivala.