Jona 1:3 - KITABU KITAKATIFU

³ Navutswa Jona ya vuka kwiruka kutsia Tarshishi kutwula imbiri wa Yahova; na ya sulunguta kutsia Yopa, na a lola yo liato li tsitsanga Tarshishi: ma ya tunga mitungu gyalyo, na a tsia mulyo, a tsie Tarshishi halala navo kutwula imbiri wa Yahova.

Jona 1:3 ပူးပေါင်းရင်းမြစ်များ

Litanga 3:8

Na va hulira mwoyo gwa Yahova Nyasaye a gendanga mmulimi inyinga yembuudza yomgolova: na musatsa nomukali wewe vevisa mmoni mwa Yahova Nyasaye hagati ha misala gyomulimi.

Litanga 4:16

Na Kaini ya twula imbiri wa Yahova, na a menya mu kivala kya Nodu, ki veye ivugwe wa Edeni.

1 Avami 19:3

Na lwa ya lola yaga, ya singira, na a tsia kwehonnya mwoyo gwigwe, na ya duka Beersheba, li veye lidala lya Yuda, na ya leka yo mutumekiri wewe.

1 Avami 19:9

Na ya duka yo mu luhangaywa, na gona yo; na, henza, likuva lya Yahova lya duka kuye, na a mu teva Wenyaki hano, Elija?

2 Kyetsinyinga 2:15

Ku nangwa kalunu ingano neshairi, na maguta newaini, vyomunene wange ya tala, vi letwe ku vatumekiri vovo:

2 Kyetsinyinga 2:16

na kwinye ku la tema misala kutwula Lebanon, kuduka kuli we nyanga; ku ku letere ku lyereminya ku inyanza kuduka Yopa; na ive u la gyi hila Yerusalemi.

2 Kyetsinyinga 9:21

Kigira mwami ya li namato gatsitsanga Tarshishi na vatumekiri va Huram; na amato ga Tarshishi gadza inyinga indala ku mihiga gyivaka, ni ga leta ithahabu nefetha, namino getsinzogu, netsinya ma ku lugano lwetsingugi, na luga no lwetsingoko tsyamabaha malahi.

Ezara 3:7

Kandi va leta ifetha ku avombaki noku vabadzi; na vyokulia, na vyokunwa, na ma guta, kuvo Vasidone, noku Vaturo, va lete misala gyemitaragwa kutwula Lebanon ku inyanza, kuduka Jopa, kuli Kurusi mwami wa Persia ya va ha munwa.

Ayubu 1:12

Yahova ya volera Setani, Henza, vyosi vya a veye navyo vi veye mu bunyali bubwo; navutswa u ta nyira mukono gugwo ku mwene mba. Ma Setani ya twula imbiri wommoni mwa Yahova.

Ayubu 2:7

Ma Setani ya twula imbiri wommoni mwa Yahova, na ya kuya Ayubu na mavimba madinyu kutwula ku induvatiru kuduka ku mutwe.

Zaburi 107:23

Yavo aviika ku inyanza mu amato, Ava kola miyinzi gyavo mu amadzi manene;

Isaya 2:16

noku mato gosi ga Tarshishi, noku tsing'a no tsyosi tsi yanzeka.

Isaya 23:1

Ubuliduhu bwa Turo. Mu kupe tsikwili, mwinye amato ga Tarshishi; kigira lyononnyeywi ligali, kuduka si ha veye nonyumba kali indala, si ha veye nelingira: va vuuleywi likuva yili kutwula mu kivala kya Kitim.

Isaya 23:10

U vite mu kivala kikyo kuli mugera gwa Nili, O mukana wa Tarshishi; si ha veye netsingulu tsyokwigalira.

Isaya 23:6

Mwa mbuke mu tsie Tarshishi; mu kupe tsikwili, mwinye avamenyanga ku luginga.

Isaya 60:9

Ligali visulu vi la ni ndirira, na amato ga Tarshishi ga limirira, ga duke kuleta avana vange avayai kutwula ihale, ifetha yavo nethahabu yavo va la va navyo, vi ve vyelieta lya Yahova Nyasaye wowo, na vya Mutakatifu wa Israeli, kigira a kuminyi ive.

Jeremia 10:9

Ifetha i veye ho ya duywa kuva tsimbabale tsi letwa kutwula Tarshishi, nethahabu i twulanga Ufazu, miyinzi gyomusidza na gyamakono gomutuuli wethahabu tsingubo tsyavyo tsi veye blue nekiforasadi; vyosi vi veye miyinzi gya vasidza.

Ezekieli 2:8

Navutswa ive, mwana womundu, hulira likuva lya nku volera; u ta va mwebaali, kuli inyumba yeyo yebaala: kunula munwa gugwo, u lie kya nku ha.

Ezekieli 27:12

Tarshishi ya li mukirannyi wowo kigira ubunyingi bwobutugi bwetsing'ano netsing'ano: va kola vyokukirannya ku ifetha, na kivya, na libang'a, na lisasi, kunyola vindu vivyo vya gulidzwa.

Ezekieli 3:14

Ma Roho ya ng'inga igulu, nokumbila ahandi; na nda tsia nobululu, mu butima bwomwoyo gwange; nomukono gwa Yahova gwa li ku inze netsingulu.

Jona 1:10

Hene yaho avandu yava va tia muno, na va mu volera, Inkuva ki yiyi ya u koli? Kigira avandu va manya yiruka kutwula imbiri wa Yahova, kigira ya li na a va voleye.

Jona 4:2

Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.

Luka 9:62

Navutswa Yesu ya mu volera, Si ha li nomundu u vika mukono ku ligembe, na a henza inyima, a dukana nobwami bwa Nyasaye.

Vikolwa 15:38

Navutswa Paulo si ya lola bulahi kumuhila wa va leka yaho Pamfulia, na a vula kutsia navo mu miyinzi.

Vikolwa 26:19

Hene yaho, O mwami Agiripa, si nda sula kulonda kiloleki kyegulu:

Vikolwa 9:36

Ya li mu Yopa mwegidzwi mulala wa langwa Tabitha, ligirunkanywa lyalyo ni Dorkasi, naho Kisusu: mukali uyu ya li ni yizula miyinzi milahi na gyetsimbabasi ya kola halala nokukonya vadaka.

Vikolwa 9:38

Kandi kigira Luda lya li himbi na Yopa, navegidzwi va hulira Petro a veyo, va tuma avandu vaviri kuye kumusaala U ta linda, udze wetu bwangu.

Vikolwa 9:42

Ga duka kumanywa mu lidala lyosi lya Yopa: kandi vanyingi va suuvira Mwami.

Vikolwa 9:43

Ma Petro ya manya na a menya Yopa madiku manyingi halala nomulala ya langwa Simoni musidza wamasero.

1 Vakorintho 9:16

Kigira kali ni nzilwadza ivangeli, si mbeye nago kwiidzominya; kigira mbikeywi linigwa; kigira ubudamano bu veye ku inze ni mbula kwilwadza ivangeli.

2 Vatesalonike 1:9

ava li hebwa amageli, nago ga veye lidividzwa mihiga nemihiga kutwula imbiri wo Mwami, kandi kutwula mu bukumi bwetsingulu tsitsye,

Joshua 19:46

na Mejarikon, na Rakon, halala na lwako lu henza Jopa.