Mwisunde himbi, mwinye tsi hiri, kuhulira; mu hulire mwi nye avandu: lirova li hulire, halala na vyosi vizula kulyo; lirova nevindu vyosi vi twulanga mulyo.
Mu hulire likuva lya Yahova O mwinye avetsihiri tsyosi, nokulilandidza mu visulu vye ihale; mu vole, Uyu wa salannya Israeli a la mu vungidza, nokumulinda, kuli mwayi a lindanga kyayo kikye.
Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.
Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.
Singeridza ibendera mu kivala, mu kupe kisiliva hagati hetsihiri, mu sone tsihiri kuye, mu lange ubwami bwa Ararati bu vunge halala kuye; na Mini, na Ashikenazu: mu vike umunene kuhing'ana naye; mu lete kuvo tsiparasi, tsyanegire kuli ubudziriri.
Mwami Nyasaye a vola ndi: Ni ive wa nda vola amakuva gogo mu madiku ga kale neminwa gyavatumekiri vange ava profeti va Israeli ava profeta ku madiku yago mihiga minyingi nda leta ive uudze kulwana navo?
Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.
Kigira nda vungidza tsihiri tsyosi ku Yerusalemi kulwana; na lidala li la vugulwa na tsinyumba tsyalyo tsi la fuulwa na vakali va lononnywa; na lidala ku luvega lulala li la tsia mbutugwa, na avandu va tigala si va la twulidzwa mu lidala mba.