Joeli 3:17 - KITABU KITAKATIFU

¹⁷ Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.

Joeli 3:17 ပူးပေါင်းရင်းမြစ်များ

Ayubu 15:19

Ava hebwa kivala veng'ine, Na mugeni si ya vita hagati havo mba):

Zaburi 76:2

Kandi lihema lilye li veye mu Salemi, Na ubumenyo bwibwe mu Zioni.

Zaburi 9:11

Mwimbe kwidzominya Yahova, u menya ku Zioni: Mu landidze vikolwa vivye hagati ha avandu.

Kutwula 16:12

mbuliye limonya lya avana va Israeli: va volere ndi, u vole, Inyinga ya mgolova mu la lia inyama, na mugamba mu liguta ubukima; na mu la manya inze mbeye Yahova Nyasaye wenyu.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 4:3

Na ga la duka, uyu wa lekwa mu Zioni, na uyu wa tigala mu Yerusalemi, a la langwa mutakatifu, kali sa mulala wa ng'odwa mu yavo ava veye mwoyo mu Yerusalemi:

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Jeremia 31:40

Na livona lyoii lyemibiri mikudzu, nelyeligoke, nemilimi gyosi kuduka ku mugera gwa Kidiron, kuduka ku ikona yekiribwa kyetsiparasi ku luvega lwevugwe, li la va litakatifu ku Yahova; li la vula kwifwa kinga kusambulwa kandi mihiga nemihiga.

Ezekieli 20:40

Kigira mu kigulu kyange kitakatifu, mu kigulu kitambi kya Israeli Mwami Nyasaye a vola, avenyumba ya Israeli vosi, vosi va la tumekira inze ha zana mu kivala yikyo: na nda va bugirira ha zana, na ndenyera yo vindu vyenyu vya mu haananga nobuhya bwobwali bwenyu, halala nevindu vyenyu vitakatifu vyosi.

Ezekieli 37:6

Na nda vika imiki ku mwinye, nokuleta tsi nyama tsi ve ku mwinye, nokumukunika neligodo, na nda vika mwika mu mwinye, na mu la va mwoyo; na mu la manya inze mbeye Yahova.

Ezekieli 43:12

Yili ni lilaga lyenyumba: kwisonga ye kigulu, ku lwako lwakyo hosi ha la va hatakatifu ligali. Henza, yili ni lilaga lyenyumba.

Ezekieli 44:9

Mwami Nyasaye a vola ndi, Ha ta va nomugeni, u veye musindi womwoyo, nowomubiri, u lingira hatakatifu hange kali mulala, ku avageni vosi ava veye hagati ha avana va Israeli.

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Danyeli 11:45

Kandi a la singeridza mahema genyumba yeye yobwami hagati henyanza nekigulu kitakatifu; navutswa a la duka ku kiheri kikye, na si ha li na u li mu konya.

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Joeli 2:27

Na mu la manya inze mbeye hagati ha Israeli, kandi mbeye Yahova Nyasaye wenyu, na si ha veye nowundi; na avandu vange va la vula kuva netsisoni mihiga nemihiga.

Joeli 3:21

Na ndogidza amasahi gavo aga nkikiri kwogidza: kigira Yahova a menya mu Zioni.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Nahum 1:15

Henza, ku vigulu virenge vya uyu u letanga makuva malahi vi veye ho, uyu u landidzanga makuva gemirembe O Yuda, u linde madiku ga malia, u kole malagano gogo; kigira mudamano si a la vita hagati hoho kandi mba; a twulidzwa ligali.

Zekaria 8:3

Yahova a vola: Mmali kwirana ku Zioni, na nda menya hagati ha Yerusalemi: na Yerusalemi li la langwa Lidala lya geligali; na Kigulu kya Yahova wa mahe, Kigulu kitakatifu.

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.