Joeli 3:16 - KITABU KITAKATIFU

¹⁶ Na Yahova a la huuma kutwula mu Zioni, na a la vola kutwula Yerusalemi, na ligulu na li rova li la degera: navutswa Yahova a la va ubuhaliru bwa avandu veve, na a la va lugaga lwa avana va Israeli.

Joeli 3:16 ပူးပေါင်းရင်းမြစ်များ

Zaburi 18:2

Yahova a veye lwanda lwange, na lugaga lwange, na muhonyi wange; Nyasaye wange, lwanda lwange, uyu wa nzlvisa mu; Ingavo yange, na ulwiga lwobu honyi bwange, na munara gwange.

Zaburi 29:11

Yahova a la ha avandu veve tsingulu; Yahova a la gasidza avandu veve nemirembe.

Zaburi 61:3

Kigira ive u veye kyokwivisa mu kyange, Impinga yetsingulu ku musigu.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Isaya 33:16

uyu a la menya igulu; hokuhonera hehe ha la va tsimpinga tsyomulwanda; a la hebwa vyokulia vivye; amadzi gege si ga la vula kuva ho.

Isaya 33:21

Navutswa Yahova a la va halala nekwinye mu ubukumi bwibwe, ha zana ha veye nemigera migalamu notugera, si gyi la va mu nobwato bwevivango, kali kilala, kandi si ha la va nobwato bunene.

Isaya 42:13

Yahova a la twula kuli mundu wanyala: a la vukidza ubugulu kuli mundu wobulwani: a la hanzuka, yee, a la kupa lwanga; a la kola vindu vyetsingulu ku vasigu veve.

Isaya 51:16

Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jeremia 17:17

U ta va kyokutihidza ku inze: ive u veye kyokwivisa mu kyange ku lidiku lyobudamano.

Ezekieli 38:19

Kigira mu likendeka lyange nomu muliru gwo butima bwange mboye, Ligali mu lidiku yilyo ha la va nelidegera linene mu kivala kya Israeli;

Hosea 11:10

Va la londa Yahova, a la fwuma kuli king'ang'a, kigira a la fwuma, navana va ladza kutwula imadioli ni va degera.

Amosi 1:2

Na ya vola, Yahova a la fwuma mu Zioni, na a la kupa lwanga mu Yerusalemi; na vyayiru vyavayi vi la syoma, na isonga ya Karimeli i la niala.

Amosi 3:8

King'ang'a ki mali kufwuma; ni bwaha u ta tia? Mwami Nyasaye a voye, ni bwaha u nyala kuvula ku profeta?

Nahum 1:7

Yahova a veye mulahi, a veye impinga ku lidiku lyekivi; a manya yava ava suuvira kuye.

Haggai 2:6

Kigira Yahova wa mahe a vola ndi: Inyinga indala yindi, i veye inyinga inkekeke, nda degeridza ligulu, nelirova, nenyanza, nekivala kyumu;

Haggai 2:7

nda degeridza tsihiri tsyosi, nelyenya lyetsihiri tsyosi li la duka; na ndizulitsa inyumba yiyi ubukumi, Yahova wa mahe ya vola.

Zekaria 10:12

Nda va vika tingulu mus Yahova; na va la genda yiyi na yiyi mu lieta lilye, Yahova a vola.

Zekaria 10:6

Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

Zekaria 9:12

Mwirane ku impinga mwinye avahambe velisuuvira: kali lero mbola nda ku tunga hali kaviri.

Vahebraina 12:26

womwoyo gwigwe gwa degeridza lirova inyinga yeyo: navutswa kalunu u suuviridzi, na a vola, Inyinga yindi kandi nda degeridza, si li li lirova lyeng'ine, navutswa ligulu kandi.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 16:18

vya li ho tsimbeni, nemyoyo, netsinkupa; kandi lya li ho lidegera linene lye lirova, lya li kuli lya vula kuva ho kutwula inyinga avandu va duka mu lirova, kuli wa lya li linene.

1 Samweli 15:29

Na kandi kuvita yaga, Munyali wa Israeli si a la veha kinga si a leganira; kigira si a veye umundu, a duke kweganira.