Joeli 3:12 - KITABU KITAKATIFU

¹² Avetsihiri vetsuve, nokwanegira va duke mwivona lya Jehoshafatu; kigira ndikala yo kukalagira tsihiri tsyosi tsyetsimbega tsyosi.

Joeli 3:12 ပူးပေါင်းရင်းမြစ်များ

2 Kyetsinyinga 20:26

Ku lidiku lya kane va vugana mwivona lya Beraka; kigira ha zana yaho niho ha va gasidzira Yahova: kigira yaga ha zana ha gu likwa Livona lya Beraka kuduka lero.

Zaburi 7:6

U vuke, O Yahova, nobutima bubwo; Wenenehidze ku butima bwa vasigu bwange, U mbukire; u mali kulaga likalaga.

Zaburi 96:13

Imbiri wa Yahova; kigira yadzanga, Kigira yadzanga kukalagira lirova. A la kalagira avelirova nobulungi, Na avetsihiri na ageligali gege.

Zaburi 98:9

Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 22:1

Ubuliduhu bwelivona lya malola. U veye na ki kalunu, kuduka wanegiye kutsia ligali ku visegese vyetsinyumba?

Isaya 3:13

Yahova ya singiranga a duke kuhing'ana, a singiranga kukalagira avetsihiri.

Ezekieli 30:3

Kigira lidiku yilyo li veye ahimbi lidiku lya Yahova li veye ahimbi; li veye lidiku lyamalesi, i la va inyinga yetsihiri.

Ezekieli 39:11

Na ga la va ku lidiku yilyo, nda ha Goga bugono bwevilindwa mu Israeli, livona lya yavo ava vitanga ku luvega lwevugwe lwenyanza: nevilindwa vi ligalira yavo ava vitanga, va vule kuvita: na va la ta Goga ha zana nobunyingi bwavandu veve; navo va la li gulika Livona lya Hamon Goga.

Joeli 3:14

Va veye ho avanyingi, avanyingi mwivona lyokutovolera mu kigira lidiku lya Yahova li veye himbi mwivona lyokutovolera mu.

Joeli 3:2

nda vungidza tsihiri tsyosi, na nda va sulungutidza kuduka mwivona lya Jehoshafatu, na nda va kalagira ha zana kigira avandu vange, na kigira miyandu gyange Israeli, ava va salannyi hagati hetsihiri: na va gavannyi kivala kyange,

Mika 4:3

naye a la kalaga hagati ha avandu vanyingi, na a la gondokera tsihiri tsyetsingulu tsya ihale, va la tula vivavi vyavo kulomba tsimbago, na matimo gavo kulomba mihidzu; ihiri i la vula kuginga kivavi ku ihiri yindi, kandi si va legidzwa ubulwani kandi mba.

Zekaria 14:4

Kandi mu lidiku yilyo virenge vivye vi la singira ku kigulu kya Muzeituni, ki henza Yerusalemi ku luvega lwevugwe; kigulu kya Mu zeituni zana ki ladika hagati hakyo, kuhenza ivugwe ne madioli, livona li la va ho linene ligali; na luvega lulala lwekigulu lu la twula kutsia kasikasini, na luvega lundi kutsia kusini.

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.